„ჩვენს და ხელისუფლებას შორის გარკვეული უნდობლობა არსებობს," - აცხადებს „სტრატეგია აღმაშენებლის" ერთ-ერთმა ლიდერი, პაატა მანჯგალაძე საპარლამენტო საქმიანობაზე საუბრისას.
მანჯგლაძის თქმით, პარლამენტში შესვლა იმას არ ნიშნავს, რომ ისინი სკამებს და კომფორტს დახამებულები იყვნენ.
„ჩვენს და ხელისუფლებას შორის გარკვეული უნდობლობა არსებობს. პრეზიდენტის თხოვნაა იმისთვის, რომ მან მოაწეროს ხელი შეწყალების აქტს, ჩვენ უნდა მივიდეთ პარლამენტში, ჩვენ ვიღებთ ამ პასუხისმგებლობას, მაგრამ არ მინდა, ისე წარმოჩინდეს ეს პროცესი, თითქოს სკამებს და კომფორტს დახარბებული ვართ. ძალიან კარგად ვიცი რისკი, ძალიან კარგად ვიცი იმ პოლიტიკური ლანძღვის ფასი, რასაც ოპონენტები გააკეთებენ, მაგრამ იმისთვის, რომ ქვეყანა წინ წავიდეს, მზად ვართ, ამ პასუხისმგებლობისთვის", - განაცხადა მანჯგალაძემ.
„თუ კონვენციით დაცულ მუხლებს ამნისტია შეეხება, ჩვენ მონაწილეობას ვერ მივიღებთ. თუ უნდა, „ქართულმა ოცნებამ" მარტო მიიღოს. ამნისტიის შესახებ კანონპრექტი დამუშავების ეტაპზეა. ჩვენ გვაქვს ვალდებულება იმისთვის, რომ პირველ ეტაპზე გიორგი რურუა გამოვიდეს, ჩვენ პარლამენტში სამშაბათს უნდა მივიდეთ და უნდა დავარეგისტრიროთ აღნიშნული კანონპროექტი. უმრავლესობას შევთავაზებთ ისეთ ვარიანტს, რომელიც გამორიხავს იმ რისკებს, რომ კონვენციით გათვალისწინებული დანაშაულები ამნისტიაში არ მოხდეს", - განაცხადა მანჯგალაძემ.
