უკრაინის საგარეო საქმეთა მინისტრი დმიტრო კულება ეხმაურება რუსი კოლეგის, სერგეი ლავროვის განცხადებას იმის შესახებ, რომ ბირთვული და მესამე მსოფლიო ომის საფრთხე რეალურია.
როგორც კულება სოციალურ ქსელ „ტვიტერში“ წერს, მოსკოვი გრძნობს მარცხს უკრაინაში, ამიტომ საერთაშორისო საზოგადოებამ უკრაინის მხარდაჭერა უნდა გააძლიეროს.
„რუსეთი ბოლო იმედს კარგავს, დააფრთხოს მსოფლიო უკრაინის მხარდაჭერისგან. აქედან მოდის საუბარი მესამე მსოფლიო ომის „რეალური“ საფრთხის შესახებ. ეს ნიშნავს, რომ მოსკოვი გრძნობს მარცხს უკრაინაში. ამიტომ მსოფლიომ კიდევ მეტად უნდა დაგვიჭიროს მხარი, რომ ჩვენ გავიმარჯვოთ და დავიცვათ ევროპული და გლობალური უსაფრთხოება“, – წერს კულება.
რუსეთის სახელმწიფო ტელეარხთან ინტერვიუში სერგეი ლავროვმა განაცხადა, რომ ბირთვული ომის საფრთხე რეალურია.
