20 ივნისის მოვლენებთან დაკავშირებით საპარლამენტო კომისია შეიქმნას, - ამის შესახებ "ლელო საქართველოსთვის" ლიდერმა, მამუკა ხაზარაძემ დღეს, 28 აპრილს განაცხადა.
მისივე თქმით, „ქართულ ოცნება" 20 ივნისის საქმეზე ყველას შეწყალებას აპირებს.
"გამოვდივართ ინიციატივით, რომ შეიქმნას საპარლამენტო კომისია. ინფორმაცია არის დახურული, „ქართული ოცნება" ითხოვს ყველას შეწყალებას, მაგრამ სანამ შეწყალებაზე იქნება საუბარი, საზოგადოებამ უნდა იცოდეს, ვინ არიან ეს პირები, ვინ გადაამეტა უფლებამოსილებას, ვინ იჯალათა, ვინ გასცა ბრძანება, ამას სჭირდება დადგენა და შესაბამისად, სჭირდება საპრალამენტო კომისიის შექმნა", - განაცხადა ხაზარაძემ.
შეგახსენებთ: 19 აპრილის შეთანხმების ერთ-ერთი მთავარი პუნქტი 20 ივნისის საქმეზე დაკავებულტა ამნისტიით გათავისუფლებაა.
