„არ მსმენია სხვა კანდიდატის შესახებ და არც განიხილება, თუმცა კახა კალაძის გადაწყვეტილებას უნდა დაველოდოთ", - განაცხადა დღეს, 28 აპრილს, საპარლამენტო უმრავლესობის წევრმა, ირაკლი ზაქრუამ.
მისივე თქმით, კალაძეს ალტერნატივა არ ჰყავს.
„პირადად მე, მგონია, რომ კახა კალაძეს ალტერნატივა არ ჰყავს დედაქალაქის მერობის, ასე ვთქვათ, შეჯიბრებითობაში. პარტიის პოზიციაა ასეთი, რასაც მე ვახმოვანებ, თუმცა ოფიციალურ, პოლიტსაბჭოს გადაწყვეტილებას, თვითონ კახა კალაძის გადაწყვეტილებას უნდა დაველოდოთ. არ მინდა, წინ გავუსწრო მოვლენებს, მაგრამ არ მგონია რამე სიურპრიზი დახვდეს კახის. არ მსმენია სხვა კანდიდატის შესახებ და არც განიხილება", - განაცხადა ზარქუამ.
