საგამოძიებო კომისია შეიძლება, მომავლისთვის იყოს გათვალისწინებული, - ამის შესახებ „რესპუბლიკური პარტიის" ლიდერმა, ხათუნა სამნიძემ „ლელოს" ინიციატივის შესახებ კომენტირებისას განაცხადა.
სამნიძის თქმით, ამ ეტაპზე საჭიროა ამნისტიის საკითხზე კონცენტრირება.
„საგამოძიებო კომისია არის გამოძახილი იმ არასამართლიანი და არაკვალიფიციური თავდასხმებისა, რომლებიც მიდის ჩვენს პროცესზე. ყველამ უნდა გავითვალისწინოთ, რომ ამ პროცესში მთავარი მიზანი არის ნიკა მელიას გათავისუფლება და მისთვის მსჯავრის მოხსნა. საგამოძიებო კომისია შეიძლება, მომავლისთვის იყოს გათვალისწინებული და სამომავლოდ, რა თქმა უნდა, მნიშვნელოვანია ასეთი რამ, რადგან ბევრი შეკითხვაა დარჩენილი. მაგრამ დღეს, ამ ეტაპზე ჩვენ უნდა მივყვეთ ხელშეკრულებით გათვალისწინებულ ვალდებულებებს და ყველაფერი გავაკეთოთ, ვკონცენტრირდეთ ამნისტიის საკითხზე. სამომავლოდ თუ ამ შესაძლებლობაზე ვსაუბრობთ, ჯერ ნიკა მელია უნდა გათავისუფლდეს და „ნაციონალური მოძრაობა" უნდა შემოგვიერთდეს პარლამენტში, რათა მომავალში რაიმე ტიპის გამოძიება ჩატარდეს", - განაცხადა ხათუნა სამნიძემ.
„ლელოს" ინიციატივით გამოდის, 20 ივნისის საქმეზე საპარლამენტო კომისია შეიქმნას.
