ძმებო, თუ ჩხუბი გინდათ მოდით ჩემთან. ვარ ძიუდოისტი, ასე გამოეხმაურა ჭყონდიდში სასულიერო პირებს შორის დაპირისპირებას ეპარქიის ყოფილი მიტროპოლიტი მეუფე გრიგოლ კაცია "ტვ პირველთან".
მისივე თქმით, ამბოხებული სასულიერო პირები შოუს დგამენ და ამბოხებულ სასულიერო პირებს დამამშვიდებლები, აბი გლუკოზა სჭირდებათ.
,,ეს ადამიანები ასეთები არიან - ვიღაცას უცხო ქვეყნის აგენტს დაარქმევენ, ვიღაცას უზნეოს, აფერისტს ეძახიან. მიდი და იმართლე თავი. მე ყველას ვეუბნებოდი, ძმებო, თუ ჩხუბი გინდათ მოდით ჩემთან. ვარ ძიუდოისტი, სამბისტი, გინდა წესების გარეშე. კემერების წინ კი არა, ვაჟკაცურად მოდით, მაგრამ მათ სერიალები უნდათ. ყურებადობა უნდათ"- ამბობს სასულიერო პირი.
