ნატო-ს გენერალური მდივნის მოადგილის მირჩა ჯოანას განცხადებით, ღია კარის პოლიტიკა ნატო-სთვის მნიშვნელოვანია.
მისივე თქმით, საქართველო ალიანსისთვის გაძლიერებული შესაძლებლობების პარტნიორს წარმოადგენს.
ამასთან, მირჩა ჯოანას განცხადებით, ნატო მუდმივად მიესალმება ქვეყნების უფლებას, აირჩიონ საკუთარი გზა.
„როგორც აღვნიშნე, ნატო მუდმივად მიესალმება ერების უფლებას ევროპაში და მთელ მსოფლიოში, აირჩიონ საკუთარი გზა, ეს არავის ვეტოს დადების საგანი არ არის, ეს არის მხოლოდ ამ ქვეყნის და იმ ორგანიზაციის განხილვის საგანი, სადაც გაწევრიანება სურს. საქართველო წარმოადგენს გაძლიერებული შესაძლებლობების პარტნიორს ჩვენთვის, მაათთან ვმუშაობთ წლების განმავლობაში და როგორც ვიცი, საქართველოს ხელმძღვანელობა მოწვეული იქნება ნატო-ს სამიტზე. ღია კარის პოლიტიკა რჩება მნიშვნელოვანი ნატო-სთვის და შემიძლია, ვთქვა, რომ საქართველო ძალიან მნიშვნელოვანი პარტნიორია, შავი ზღვა ხდება ძალიან მნიშვნელოვანი. ჩვენ ვხედავთ შავი ზღვის ბლოკირებას, რუსეთი ცდილობს უკრაინის ეკონომიკის დათრგუნვას და ქმნის საკვების უსაფრთხოების პრობლემებს მსოფლიოს სხვა ნაწილებში. ასევე, მოლდოვას რესპუბლიკა, ბოსნია ჰერცეგოვინა ძალიან მნიშვნელოვანი პარტნიორები არიან. ასე რომ, მოკავშირეები, ასევე ევროკავშირი ეძებენ გზებს, რათა პარტნიორების მხარდაჭერა უზრუნველყოფილი იყოს ამ რთულ ვითარებაში“, – განაცხადა მირჩა ჯოანამ საქართველოს პირველი არხის კითხვაზე საპასუხოდ ბერლინში, სადაც ნატო-ს საგარეო საქმეთა მინისტერიალი უნდა გაიმართოს.
