გარეჯის საქმეზე აუცილებლად ვაპირებთ საგამოძიებო კომისიის შექმნას, - ამის შესახებ პარლამენტის წევრმა სალომე სამადაშვილმა ჟურნალისტებთან განაცხადა.
მისივე თქმით, ივერი მელაშვილი ხელისუფლების აღვირახსნილი კამპანიის მსხვერპლია.
"ივერი მელაშვილი, რა თქმა უნდა, ხელისუფლების აღვირახსნილი კამპანიის მსხვერპლია. მინდა განსაკუთრებით გამოვეხმაურო გია ვოლსკის განცხადებას, რომელმაც გამოაცხადა, რომ ადამიანი, რომელიც სრულიად უდანაშაულოა, თურმე მას საზოგადოებრივ თავშეყრის ადგილზე გამოჩენა უნდა მოერიდოს. ამას არავინ არ მოითმენს! აუცილებლად ვაპირებთ საგამოძიებო კომისიის შექმნას, ვაპირებ, გარეჯის საქმეზე ყველა საპარლამენტო ბერკეტი გამოვიყენო, მათ შორის საკომიტეტო მოსმენები, იმისთვის რომ დავიცვა ბატონი მელაშვილისა და ქალბატონი ილიჩოვას უფლებები", - განაცხადა სამადაშვილმა.
