ზურაბ ჯაფარიძე თვითმმართველობის არჩევნებში თბილისის მერის პოზიციაზე საკუთარ კანდიდატს დააყენებს, - ამის შესახებ მან „ტვ. პირველის" ეთერში განაცხადა.
ჯაფარიძის თქმით, ოპოზიციის მიერ ერთიანი კანდიდატის დასახელებას არ ეთანხმება, რადგან ასეთ შემთხვევაში ხმები იკარგება.
„არ გამოვრიცხავ თვითმმართველობის არჩევნებში საკუთარი კანდიდატურია დაყენებას, რადგან „გირჩს" აქვს საკუთარი გზა. წინა არჩევნებმა გვიჩვენა, რომ ოპოზიციური პარტიების მხარდამჭერების ხმები არ ჯამდება, პირიქით, იკარგება, . პირობითად, „ნაციონალური მოძრაობის" კანდიდატს „გირჩის" მხარდამჭერების ნაწილი მხარს არ დაუჭერს. მაგალითდ, მე რომ დავდექი დიდუბეში, „ნაციონალური მოძრაობის" მხადამჭერების უმრავლესობამ მე არ დამიჭირა მხარი და დაუჭირა ანა დოლიძეს. არ ჯამდება ასე მარტივად ასეთი რაღაცეები. ჩვენ უნდა წავიდეთ საპირისპირო გზით, ოპოზიციონერი პარტიების მხარდამჭერების ხმები რომ არ დაიკარგოს და ჯამში ოპოზიციას ქონდეს მეტი ხმები"- განაცხადა ზურაბ ჯაფარიძე.
შეგახსენებთ: „ნაციონალური მოძრაობა" და ოპოზიციონერი პოლიტიკოსების ნაწილი თვითმმართველობის არჩევნებში თბილისის მერის პოზიციაზე ოპოზიციის ერთიან კანდიდატად „ნაციონალური მოძრაობის" თავმჯდომარის ნიკა მელიას კანდიდატურის დასახელებას გეგმავს.
