დღეს ლუგანსკის რეგიონის დაახლოებით 95% ოკუპირებულია -ამის შესახებ ლუგანსკის რეგიონალური სამხედრო ადმინისტრაციის ხელმძღვანელმა, სერგეი გაიდაიმ ისაუბრა.
მან აღნიშნა, რომ დონბასში მდგომარეობა "უკიდურესად მძიმეა". მისი თქმით, ლუგანსკის რეგიონის დაბომბვა არ წყდება, რუსი ოკუპანტები ანადგურებენ დასახლებებს, ამიტომ უკრაინელი სამხედროები ახალი პოზიციების დასაკავებლად იძულებულნი არიან, უკან დაიხიონ.
"ლუგანსკის რეგიონში არის 25 მტრის ბატალიონი და ტაქტიკური ჯგუფი - თითოეულში 300-დან 500-მდე ადამიანი, აქვთ უზარმაზარი აღჭურვილობა - ისინი მუდმივად ესვრიან ყველა დასახლებულ პუნქტს და სევეროდონეცკი უბრალოდ ნადგურდება",- თქვა მან.
გაიდაიმ აღნიშნა, რომ უხეში შეფასებით, 15000-მდე ადამიანი რჩება სევეროდონეცკში, მთლიანობაში ლუგანსკის რეგიონში მათი კონტროლის ქვეშ - 40,000-ზე მეტი ადამიანი და მათ 99%-ს არ სურს საცხოვრებლების დატოვება.
