„ძალადობა ყოვლად დასაგმობია, ეს ცხადზე უცხადესია, თავისთავად, არ იყო ყველაფერი ეს ლამაზი და დარწმუნებული ვარ, მეუფე ანტონი ამას განიცდის და ნანობს," - ასე ეხმაურება ბათუმისა და ლაზეთის მიტროპოლიტი, მეუფე დიმიტრი „მთავარი არხის" ჟურნალისტებსა და გადამღებ ჯგუფზე მომხდარ თავდასხმებს.
მისივე თქმით, ძალადობა დასაგმობია, მაგრამ ყველაფერ ამას პროვოკაციული ელფერი ახლავს.
„ძალადობა ყოვლად დასაგმობია, ეს ცხადზე უცხადესია, თავისთავად, არ იყო ეს ყველაფერი ლამაზი და დარწმუნებული ვარ მეუფე ანტონი ამას განიცდის და ნანობს. საერთოდ რაც ხდება ამ ბოლო პერიოდში ძალიან რთული აღსაქმელია და მოსასმენია თავისთავად, ყველაფერი, მაგრამ ერთი რამ არის გასათვალისწინებელი, ის, რომ ამ ყველაფერს გარკვეულწილად ცოტა პროვოკაციური ელფერი გასდევს," - განაცხადა მეუფე დიმიტრიმ.
შეგახსენებთ: ორი დღის წინ, მიტროპოლიტმა ანტონმა „მთავარის" ჟურნალისტს ფიზიკური შეურაცხყოფა მიაყენა.
