ნიკა მელია საპატიმროს ერთ საათში დატოვებს, - ამის შესახებ ენმ-ს თავმჯდომარის ადვოკატმა, დიმიტრი საძაგლიშვილმა სასამართლოს მიერ მელიას პატიმრობიდან გათავისუფლების გადაწყვეტილების მიღების შემდეგ განაცხადა.
„სასამართლომ მიიღო გადაწყვეტილება, ნიკა მელიასთვის გამოყენებული პატიმრობა შეცვლილიყო გირაოთი. არ იქნა გათვალისწინებული ჩვენი პოზიცია, რომ არ გამოყენებულიყო საერთოდ აღკვეთი ღონისძიება. რაც შეეხება გათავისუფლების პროცედურას, სასამართლო ამ გადაწყვეტილებას გადააგზავნის, შესაბამისად ნიკა მელია დაუყოვნლებლივ გათავისუფლდება. გადაწყვეტილება დაუყოვნებლივ აღსრულებას ექვემდებარება, უბრალოდ, ბიუროკრატიულმა პროცესებმა შესაძლოა, გარკვეული დრო წაიღოს, ნახევარი, ან ერთი საათი", - განაცხადა საძაგლიშვილმა.
შეგახსენებთ: თბილისის საქალაქო სასამართლომ ნიკა მელია გირაოს სანცავლოდ პატიმრობიდან რამდენიმე წუთის წინ გაათავისუფლა. გირაოს თანხა კი 8 მაისს ევროკავშირმა გადაიხადა.
