საქართველოში ევროკავშირის ელჩის კარლ ჰარცელის განცხადებით, ევროკავშირი ფუნდამენტურ პრინციპებსა და ღირებულებებზეა დაფუძნებულია. მისივე თქმით, ამ ღირებულებებს შორის არის დემოკრატია, კანონის უზენაესობა, თანასწორობა.
ამასთან, როგორც კარლ ჰარცელი ამბობს, ვინც არ უნდა ითხოვდეს ევროკავშირში გაწევრიანებას, ევროკავშირი დიდ ყურადღებას აქცევს ამ ღირებულებებს.
„ევროკავშირი დაფუძნებულია რამდენიმე ფუნდამენტურ პრინციპსა და ღირებულებაზე. ჩვენ დიდ ყურადღებას ვაქცევთ ამ ღირებულებებს, ვინც არ უნდა ითხოვდეს ევროკავშირში გაწევრიანებას. ვსაუბრობ დემოკრატიაზე, ადამიანის უფლებებზე, თანასწორობაზე, ფუნდამენტურ თავისუფლებებზე და ამის ნაწილია, რა თქმა უნდა, კანონის უზენაესობა“, – განაცხადა კარლ ჰარცელმა სასტუმრო „რედისონში“, სადაც კონფერენციას – „უსაფრთხოების ახალი არქიტექტურა ევროპაში და მისი გავლენა საქართველოზე“ ესწრება.
