ვფიქრობ, რამდენიმე დღეში ჩვენ მივიღებთ გადაწყვეტილებას, რომელიც საბოლოო ფორმით უნდა მიიღოს პოლიტსაბჭომ - შევა თუ არა პარლამენტში, გააგრძელებს თუ არა "ნაციონალური მოძრაობა" საპარლამენტო საქმიანობას., - ამის შესახებ "ნაციონალური მოძრაობის" ერთ-ერთმა ლიდერმა ხატია დეკანოიძემ ჟურნალისტებს განუცხადა. მისი განმარტებით, კონსულტაციები ახლაც მიმდინარეობს პარტიის სამოქმედო გეგმაზე და საბოლოო გადაწყვეტილება რამდენიმე დღეში გახდება ცნობილი.
"ჩემი პირადი პოზიციაა, რაც იციან ჩემმა მეგობრებმა და ნიკა მელიამაც, რომ საპარლამენტო საქმიანობის როგორც იარაღად გამოყენება ძალიან მნიშვნელოვანი იქნება პარტიისთვის. ვნახოთ, როგორი იქნება გადაწყვეტილება, შევჯერდებით. ყველაზე მნიშვნელოვანი არის ის, რომ ახლა "ნაციონალურ მოძრაობაში" მივიღოთ რაციონალური გადაწყვეტილება და რა თქმა უნდა, ბიძინა ივანიშვილს არ ვაჩვენოთ რაიმე სახის რყევა დიდი ოპოზიციური პარტიის რიგებში",- აცხადებს დეკანოიძე.
