საქართველოს საფეხბურთო ნაკრები ერთა ლიგის მეორე მატჩს ბულგარეთში მართავს. შეხვედრა რაზგრადში, „ლუდოგორეცის“ სტადიონზე იმართება.
საქართველოს ნაკრების სასტარტო შემადგენლობა:
ზურიკო დავითაშვილმა საქართველოს ნაკრები მე-4 წუთზე დააწინაურა.
პირველ არხზე, კომენტატორად მოწვეულმა მწვრთნელმა გიორგი ჭიაბრიშვილმა ასე შეაფასა მომენტი: „დავითაშვილმა იმოქმედა ისე, როგორც მაღალი კლასის ფორვარდებს შეჰფერით“.
პირველ ტაიმში გაცილებით მწვავედ საქართველოს ნაკრები უტევდა. 31 წუთზე მარცხენა ფლანგიდან გოლი ირაკლი აზაროვმა შექმნა – ბურთი კარში მცველისგან ასხლეტით შევარდა და ავტოგოლი ჰრისტოვს ჩაეთვალა.
2:0 – პირველი ტაიმი საქართველოს ნაკრებმა მოიგო.
მეორე ტაიმი
ბულგარელმა ილიევმა თავური დარტყმით სხვაობა ორამდე გაზარდა, თუმცა ორ წუთში ზივზივაძემ წონასწორობა აღადგინა – 3:1.
58′ წუთი – ხვიჩა კვარაცხელიამ თავად გამოიმუშავა პენალტი და უძლიერესი დარტყმით გოლად აქცია. ეს მისი მეშვიდე გოლია საქართველოს ნაკრებში ჩატარებულ მე-14 მატჩში.
ვაკო ყაზაიშვილი თამაშში კვარაცხელიას ნაცვლად 67-ე წუთზე ჩაერთო. ბურთთან პირველი შეხება ვაკომ გოლად აქცია.
83-წუთზე – სტეფანოვის გოლი და 2:5.
საქართველოს ნაკრებს ბულგარეთთან ისტორიაში ორჯერ აქვს წაგებული ანგარიშით 2:6. სწორედ ასეთი ანგარიშით გამარჯვების შანსი ჰქონდა რაზგრადში ჩვენს გუნდს, თუმცა 90+4-ე წუთზე ნიკა კვეკვესკირის დარტყმული ბურთი ძელმა აისხლიტა.
