„არ ვაპირებ არც ერთ პარტიაში და ფრაქციაში გაწევრიანებას" - ამის შესახებ დეპუტატმა დავით ბაქრაძემ ჟურნალისტებთან განაცხადა.
მისი თქმით, არ აპირებს საკუთარი კანდიდატურა დააყენოს იმ თანამდებობებზე, რომლის ოპოზიციონერი დეპუტატების მხრიდან დაკავების შესაძლებლობას შარლ მიშელის დოკუმენტი იძლევა.
„მე ამ პოზიციას დღესაც ვიცავ და შესაბამისად, არ ვაპირებ გაწევრიანებას არც ერთ ფრაქციაში. მექნება თანამშრომლიბა როგორც ლელისთან", ასევე "სტრატეგია აღმაშენებელთან" და ყველა ოპოზიციონერ კოლეგასთან, რომელიც აქ არის, მაგრამ არ ვაპირებ არც ერთ პარტიაში და ფრაქციაში გაწევრიანებას და გავაგრძელებ მუშაობას როგორც დამოუკიდებელი, უფრაქციო პარლამენტის წევრი", - განაცხადა ბაქრაძემ.
შეგახსენებთ, „ევროპული საქართველოს" ყოფილმა თავმჯდომარემ დავით ბაქრაძემ პარტია არჩევნებში მიღებული „დაბალი შედეგის" გამო დატოვა. მან პარტიისაგან ხელი მოაწერა შარლ მიშელის დოკუმენტს.
