„ვინ შევა დამატებით პარლამენტში ან ვინ არა, ამას არავითარი არსებითი მნიშვნელობა აღარ აქვს იქედან გამომდინარე, რომ ე.წ. ხელოვნური კრიზისი უკვე დაძლეულია," - განაცხადა დღეს, 14 მაისს, „ოცნების" თავმჯდომარე ირაკლი კობახიძემ.
„ოპოზიცია უკვე წრამოდგენილია საქართველოს პარლამენტში, აქედან გამომდინარე, ეს უკვე არსებითად აღარაფერს ცვლის", - ამბობს კობახიძე და დასძენს, რომ თუ ვინმეს დანაშაული აქვს ჩადენილი, გამოძიება დაიწყება.
„საქართველო არის სამართლებრივი სახელმწიფო, თუ ვინმეს აქვს სავარაუდო დანაშაული ჩადენილი, ბუნებრივია, მის წინააღმდეგ წარიმართება ნებისმიერი სისხლის სამართლის გამოძიება. ეს არის სამართლებრივი სახელმწიფოს პრინციპი", - განაცხადა კობახიძემ.
