დღეს, 11 ივნისს, 14:00 საათზე, წალენჯიხაში მუნიციპალიტეტის სათემო საზოგადოებრივი საბჭოების გაერთიანებულო დამფუძნებელ კრება გაიმართება.
2021 წლის თვითმართველობის არჩევნების შემდეგ, წალენჯიხის ახლად არჩეული მერის გია ხარჩილავასა და “სამოქალაქო ინიციატივებისა და ინოვაციების ცენტრის” თანამშრომლობით შემუშავდა.
ინიციატივა მიზნად ისახავს გადაწყვეტილების მიღების პროცესში მოქალაქეთა ჩართულობისა და თვითმართველობის ორგანოების ანგარიშვალდებულების გაძლიერებას.
“სამოქალაქო ინიციატივებისა და ინოვაციების ცენტრის” ხელმზღვანელის, ხათუნა ლაგაზიძის განცხადებით, ინიციატივა მოიცავს საზოგადოებრივი თანამშრომლობის რამდენიმე მექანიზმს - საზოგადოებრივი რეფერენდუმი, სათემო საზოგადოებრივი საბჭო, მუნიციპალური საზოგადოებრივი დარბაზი და სამოქალაქო თანამონაწილეობითი ბიუჯეტი.
სათემო საზოგადოებრივი საბჭოები არის სათემო საზოგადოებრივ-საკონსულტაციო ორგანოები.
წალენჯიზის მერის გია ხარჩილავას განცხადებით, საბჭოების ფორმირება მოხდა წალენჯიხის ყველა ადმინისტრაციულ ერთეულში საყოველთაო, თანასწორი, სამართლიანი, პირდაპირი, ფარული და თავისუფალი არჩევნების საფუძველზე.
დამფუძნებელ კრებაში მონაწილეობას მიიღებენ სათემო საზოგადოებრივი საბჭოების არჩეული წარმომადგენლები და მასზე დასასწრებად მოწვეულნი არიან წალენჯიხის მერიის და საკრებულოს წარმომადგენლები, რეგიონალური სამოქალაქო ორგანიზაციების და „გადადგი ნაბიჯი ევროპისკენ“ ინიციატორები და წევრები.
შეხვედრის ფარგლებში გაიმართება მრგვალი მაგიდა თვითმმართველობის სფეროში არსებულ გამოწვევებსა და ინიციატივებზე ევროკავშირის ქვეყნების გამოცდილების გათვალისწინებით.
