ISFED ცესკო-ს საკადრო ცვლილებების საარჩევნო რეფორმის დასრულებამდე შეჩერებას ურჩევს
15.05.2021 ნახვები: 417
,,ცესკო-ში 2021 წელს განხორციელებული სტრუქტურული რეორგანიზაციის პროცესი სათანადოდ დასაბუთებული არ არის," - ნათქვამია განცხადებაში, რომელსაც არასამთავრობო ორგანიზაცია ,,სამართლიანი არჩევნები" ავრცელებს,
ორგანიზაციაში აცხადებენ, რომ ცესკო-ში რეორგანიზაცია ნაჩქარევად მიმდინარეობს, რაც გარკვეულ კითხვის ნიშნებს აჩენს.
,,ცესკო-ში 2021 წელს განხორციელებული სტრუქტურული რეორგანიზაციის პროცესი სათანადოდ დასაბუთებული არ არის და აჩენს განცდას, რომ რეორგანიზაცია ნაჩქარევად მიმდინარეობს, რასაც მოწმობს 5-მარტიდან 14 მაისის პერიოდში, რეგლამენტში ორჯერ განხორციელებული ცვლილება და ახლად შექმნილი დეპარტამენტების მოკლე ვადაში კვლავ რეფორმირება," - ნათქვამია ორგანიზაცი განცხადებაში.
არასამთავრობოს თქმით, ნებისმიერი სახის ცვლილება, რომელიც უწყებაში მოხდება, ახალი საარჩევნო ადმინისტრაციის ფორმირების შემდეგ უნდა განხორციელდეს.
,,მივიჩნევთ, რომ ნებისმიერი ინსტიტუციური გარდაქმნა უნდა განხორციელდეს ახალი საარჩევნო ადმინისტრაციის ფორმირების შემდეგ. შესაბამისად, ცენტრალურმა საარჩევნო კომისიამ, საარჩევნო რეფორმის დასრულებამდე უნდა შეაჩეროს მიმდინარე სტრუქტურული და საკადრო ცვლილებები, რადგან ეს, ერთი მხრივ, გაუგებარია მიმდინარე რეფორმის ფონზე, ხოლო მეორე მხრივ, მოკლებულია ლეგიტიმაციას ცესკოს სრულად დაკომპლექტებამდე," - წერია განცხადებაში.
შეგახსენებთ: ახალი საარჩევნო ადმინისტრაციის ფორმირებასთან დაკავშირებით, მსჯელობა აქტიურად მიმდინარეობს. სწორედ ამ საკითხს შეეხება უმრავლესობის და საოარლამენტო ოპოზიციის შეხვედრაც, რომელიც დღეს 15 მაისს, 17:00 საათზე ჩაინიშნა.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
