გინდა უშველო, მაგრამ ვერ შველი... გული გამიგლიჯა - ლევან რატიანი
15.05.2021 ნახვები: 252
კორონავირუსმა ქართულ-ჰოლანდიური კლინიკის თანამშრომლის, 45 წლის რუსუდან ზუკაკიშვილის სიცოცხლე იმსხვერპლა.
მომხდარს სოციალურ ქსელში პირველი საუნივერსიტეტო კლინიკის გენერალური დირექტორი ლევან რატიანი გამოეხმაურა.
"მიდი-მოდია ცხოვრება, მიდიან გვტოვებენ და ჩვენც წავალთ, ამ შეგრძნებით და იმედით ვცხოვრობთ, რა არ ხდება, რას არ გაიგებ, ისეთს გაიგებ, ისეთს მოისმენ, ისეთს დაინახავ, რისი შეგრძნება არ გინდა, არ გინდა იყო მომსწრე ამ ამბის მაგრამ სამწუხაროდ მომსწრე ხარ, გინდა უშველო მაგრამ ვერ შველი, იტყვი არ გამომივიდა, ღვთის ნება იყო, ღვთის ნებაა ყველაფერი....
ეს კი ყველფერი ცხოვრება.... ცხოვრება, რომელიც ძალიან გტკენს.... დღეს ის დილა, რამაც მატკინა სასტიკად გული, მატკინა არ ჰქვია გამიგლიჯა, ჩემო რუსო ...,"- წერს ლევან რატიანი სოციალურ ქსელში.
