საქართველოს განათლების და მეცნიერების სამინისტრომ სკოლებში „ბოლო ზარის" შინისძიებეთან დაკავშირებით ზოგადსაგანმანათლებლო დაწესებულებებს შესაბამისი რეკომენდაციები გადაუგზავნა
სამინისტროს ინფორმაციით, ქვეყანაში არსებული ეპიდემიოლოგიური ვითარების გათვალისწინებით, სკოლებში „ბოლო ზარი" ჯანდაცვის სამინისტროს რეკომენდაციების შესაბამისად ჩატარდება.
„ბოლო ზარის" ღონისძიების ორგანიზება შესაძლებელია მხოლოდ მე-12 კლასის მოსწავლეებისა და სკოლის მასწავლებლების მონაწილეობით სკოლის ტერიტორიაზე, უცხო პირთა დასწრების გარეშე.
რეკომენაციის მიხედვით, თუ სკოლას შესაძლებლობა ექნება, სასურველია, მოსწავლეებთან გამოსამშვიდობებელი ღონისძიება ღია სივრცეში გაიმართოს.
საჯარო სივრცეში თავშეყრისას ყველა პირი ვალდებულია, ატაროს პირბადე და დაიცვას საჭირო დისტანცია.
ამასთანავე, ეპიდემიოლოგიური მდგომარეობის გათვალისწინებით, მიზანშეწონილად არ არის მიჩნეული მოსწავლეთა ჯგუფური გასვლითი აქტივობები, ექსკურსიების, საზეიმო წვეულებების და ბანკეტების გამართვა.
