ცოტა ხნის წინ, ხმაური და დაპირისპირება იყო თბილისში, ხუდადოვის ქუჩაზე, სადაც მერია შენობა-ნაგებობების დემონტაჟს ახორციელებს. დაპირისპირება მოსახლეობასა და სამართალდამცავებს შორის მოხდა.
ადგილობრივების თქნით, ისინი წლების განმავლობაში ცხოვრობდნენ აღნიშნულ ტერიტორიაზე, მაგრამ სახლების გადაფორმებას ვერ ახერხებენ.
„წლების განმავლობაში ვცხოვრობდით, ბებიაჩემის აშენებული სახლი დაგვინგრიეს, ნაკვეთები გაყიდეს. წლებია ვითხოვთ, რომ დაგვიმტკიცონ ეს ტერიტორიები", - განაცხადა ადგილობრივმა მცხოვრებმა.
ცნობისთვის, მერიის ინფორმაციით, თბილისის მუნიციპალურმა ინსპექციამ, ნაძალადევის რაიონში, რეკრეაციულ ზონაში უკანონოდ აშენებული რამდენიმე შენობა-ნაგებობის დემონტაჟი დაიწყო.
