"საარჩევნო ადმინისტრაციის წევრების ხელახლა არჩევის საკითხი სამივე შეხვედრაზე შალვა შავგულიძემ წამოაყენა და იმას თქმაც კი არ სჭირდება, რომ ეს 19 აპრილის შეთანხმებაში ასახული არ არის." , - ამის შესახებ განცხადება ჟურნალისტებთან უმრავლესობის წევრმა შალვა პაპუაშვილმა გააკეთა, როდესაც საარჩევნო რეფორმასთან დაკავშირებით ისაუბრა.
მისივე თქმით, ზოგიერთი პოლიტიკოსი ცდილობს დოკუმენტიდან ისეთი რაღაცეების ამოკითხვას რაც მასში არ არის.
"საარჩევნო ადმინისტრაციის წევრების ხელახლა არჩევის საკითხი სამივე შეხვედრაზე შალვა შავგულიძემ წამოაყენა და იმას თქმაც კი არ სჭირდება, რომ ეს 19 აპრილის შეთანხმებაში ასახული არ არის. მან სცადა, რომ ეთქვა, თითქოს ეს გამომდინარეობს შეთანხმების სულისკვეთებიდან, რაც არის აბსოლუტური სიცრუე. იქვე, მას ოპოზიციის წარმომადგენლებმაც განუმარტეს, რომ ეს არ ყოფილა შეთანხმების ნაწილი და ყველამ დოკუმენტს ხელი მოვაწერეთ იმ შინაარსით, რომელიც არის. ამნისტიის მსგავსად, ზოგიერთი პოლიტიკოსი ცდილობს, დოკუმენტიდან ისეთი რაღაცები ამოიკითხოს, რაც არ არის კარგი. ყველას მოვუწოდებ, დოკუმენტი კეთილსინდისიერად წაიკითხოს. საბოლოო ჯამში, მივიღეთ ტექსტი, რომელიც მნიშვნელოვნად ცდება 19 აპრილის შეთანხმებას, არის უფრო მეტი, ვიდრე შეთანხმება. დოკუმენტი ტექნიკურად დაიხვეწება, გადაითარგმნება და ვენეციის კომისიაში გადაიგზავნება",- განაცხადა პაპუაშვილმა.
