"მე ვერ გეტყვით, რამდენი ათასი ლარია, არ ვარ ჩახედული, მაგრამ დარწმუნებული ვარ, თუკი ეს არის გამოყოფილია ამისთვის, ეს არის აუცილებელი", - განაცხადა დღეს, 19 მაისს, პარლამენტის კულტურის კომიტეტის თავმჯდომარე ელისო ბოლქვაძემ 26 მაისისადმი მიძღვნილი ღონისძიებისთვის გამოყოფილ თანხებთან დაკავშირებით საუბრისას.
მისივე თქმით, პანდემიის გამო კულტურა მძიმე მდგომარეობაშია. ამიტომ აუცილებელია ზედმეტი თანხების გამოყოფა, რადგა კულტურის სფერო არ ჩავარდეს.
"მე ვერ გეტყვით რამდენი ათასი ლარია, არ ვარ ჩახედული, მაგრამ დარწმუნებული ვარ, თუკი ეს არის გამოყოფილია ამისთვის, ეს არის აუცილებელი. მთელი მსოფლიო მობილიზებულია, რომ პანდემიიდან გამოწვეული პრობლემები, რომლებიც კულტურას ძალიან შეეხო,, მოხერხდეს ისე და გამოიყოს ზედმეტი თანხები იმისთვის, რომ კულტურის სფერო არ ჩავარდეს და კულტურის გარეშე რა არსებობს ამ ქვეყნად და მაშინ, რას აქვს ფასი. ჩვენ ვართ ადამიანები, ადამიანებს სჭირდებათ კულტურა და მე ვფიქრობ, რომ ეს აუცილებელი პირობაა იმისთვის, რომ ღირსეულად წარვსდგეთ ამ დღის ჩასატარებლად",- განაცხადა ბოლქვაძემ.
