„მესმის, რომ გინდათ სკანდალი, მაგრამ გელათს არ სცალია სკანდალებისთვის" - განაცხადა დღეს, 20 მაისს, კულტურის მინისტრმა, თეა წულუკიანმა გელათის ფრესკების ჩამოშლაზე საუბრისას.
ცნობისთვის: გუშინ, 19 მაისს, „ევროპა ჩვენი სახლიას" წევრმა, თორნიკე ბარათაშვილმა ვიდეო გავარცელა, რომელშიც ჩაბს, რომ გელათში ფრესკები ჩამოშლილი და წებოვანი ლენტითაა დამაგრებული. ამასთან, კულტურული მემკვიდრეობის დაცვის ეროვნულმა სააგენტომ განცხადება გაავრცელა, რომელშიც ნათქვამია, რომ ფერსკების ჩამოშლა, შესაძლოა, ხარაჩოებზე არაუფლებამოსილი პირების გადაადგილების შედეგი იყოს.
„მთავარი არის ის, რომ დროებითი გადახურვა, რომელიც პირდაპირ რბილად რომ ვთქვათ, არ უხდება ამ ძელგს, მაგრამ არის აუცილებელი, უზრუნველყოფს იმას, რომ წყალი იქ აღარ ჩადის, თუმცა უკვე წარსულში ჩასული წყლის გამო, ფილტრაციის გამო როგორც მას ვუწოდებთ, რა თქმა უნდა, ტენიანობა არის ტაძარში. ამიტომ კიდევ ერთხელ, ყველას გთხოვთ, თავი შეიკავეთ შესაბამისი უფლებამოსილების გარეშე, მესმის, რომ გინდათ სკანდალი, მაგრამ გელათს არ სცალია სკანდალებისთვის, თავი შეიკავეთ ხარაჩოებზე სიარულისგან რადგან ძეგლთა დაცვის სააგენტო ფიქრობს, რომ შესაძლებელია ამგვარმა მოძრაობამ არაპროფესიონალების მიერ ხარაჩოებზე კიდევ მეტად დააზიანოს ფრესკები," - აცხადებს წულუკიანი და დასძენს, „იუნესკოსგან" მიიღეს თანხმობა, რომ ერაყიდან საქართველოში იტალიელი სპეციალისტი ჩამოვა, რომელთან ერთადაც ივნისში გელათის სახურავს "სწორ დიაგნოზს" დაუსვამენ.
