„უზენაესი სასამართლოს მოსამართლეების კონკურსიდან 4 კანდიდატის მოულოდნელად გამოთიშვბა საკმაოდ უცნაურია", - განაცხადა დღეს, 25 მაისს, უმაღლესი საბჭოს არამოსამართლე წევრმა ნაზი ჯანეზაშვილმა.
მისი თქმით, პროტესტის ნიშნად, მოსამართლეების შერჩევის პროცესს ეთიშება.
"მივიღე გადაწყვეტილება, რომ პროტესტის ნიშნად უარი ვთქვა, პროცესში მონაწილეობაზე. ეს არის უმნიშვნელოვანესი ეტაპი საქართველოს მართლმსაჯულების ისტორიაში, ფაქტობრივად ხდება უზენაესი სასამართლოს საბოლოოდ დაკომპლექტება.
მე, როგორც ერთი წევრი, ვერ მივიღებ იმ პროცესში მონაწილეობას, რომელიც ამ ქვეყანას ფაქტობრივად უწყევტს იმედს, რომ უზენაესი სასამართლო დაკომპლექტდეს კვალიფიცური და კეთილსინდისიერი მოსამართლეებით", - თქვა ჯანეზაშვილმა.
შეგახსენებთ: იუსტიციის უმაღლეს საბჭოში, 26 მაისს XXIX რიგგარეშე კონფერენცია გაიმართება, რომელზეც საქართველოს იუსტიციის უმაღლესი საბჭოს 4 მოსამართლე წევრს აირჩევენ. პროცესის შეჩერების მოწოდებით კელი დგენანმა და კარლ ჰარცელმა 22 მაისს პარლამენტის თავმჯდომარეს კახა კუჭავას სპეციალური წერილი გაუგზავნეს, პროცესის შეჩერება მოითხოვეს არასამთვრობო ორგანიზაციებმა.
