„ნაციონალური მოძრაობა“ არის იმის ნათელი მაგალითი, როგორი არ უნდა იყო ხელისუფლება, როდესაც ხარ ხელისუფლებაში და მაგალითი იმისა, როგორი არ უნდა იყო ოპოზიციაში, – ამის შესახებ თბილისის მერმა კახა კალაძემ განაცხადა.
მისივე თქმით, „ნაციონალური მოძრაობა“ არის პარტია, რომელიც ანტისახელმწიფოებრივად მოქმედებს.
„ეს არ არის მხოლოდ დღევანდელი დღიდან გამომდინარე შეფასება. გადახედეთ ბოლო წლების განმავლობაში როგორ მოქმედებენ ისინი. „ნაციონალური მოძრაობა“ არის იმის ნათელი მაგალითი, როგორი არ უნდა იყო ხელისუფლება, როდესაც ხარ ხელისუფლებაში და ნათელი მაგალითი იმისა, როგორი არ უნდა იყო ოპოზიციაში. ეს არის ძალიან კარგი მაგალითი და იმის შეფასება, რას წარმოადგენს „ნაციონალური მოძრაობა“. უნდა ვაკეთოთ ჩვენი საქმე, ჩვენ აგვირჩია ქვეყნის მოსახლეობამ და ძალიან დიდი პასუხისმგებლობა გვაქვს აღებული. განსახორციელებელი გვაქვს კონკრეტული პროექტები. წარდგენილი იყო კონკრეტული გეგმა, როგორ უნდა მოხდეს ქვეყნის განვითარება, ვსაუბრობთ ქვეყნის მშვიდობაზე, ეკონომიკურ განვითარებაზე. ეს არის ის, რაც აინტერესებს ქვეყნის მოსახლეობას. შესაბამისად, არ უნდა დავუთმოთ დრო „ნაციონალური მოძრაობის“ ბრალდებებს და განცხადებებს“, – განაცხადა კახა კალაძემ.
