„ყოველ დილას ციხეში შესვლა რაღაცნაირად არ მინდა," - განაცხადა დღეს, 25 მაისს, „გირჩის" ერთ-ერთმა ლიდერმა, დეპუტატმა ვახტანგ მეგრელიშვილმა პარლამენტის საგაზაფხულო სესიის პლენარულ სხდომაზე.
მისი თქმით, პარლამენტის გარეთ არსებული რკინის ღონე ციხის ასოციაციას უქმნის და კოლეგებს მისი აღების გადაწყვეტილების მიღებისაკენ მოუწოდა.
„დღეს ჩემი პირველი გამოსვლაა ამ დარბაზში და თუ რამეს ისეთს ვიტყვი სისულელეს, არ დამცინოთ. ასეთი განცდა მაქვს, რომ ბევრი რაღაცა მინდოდა მეთქვა, რადგან პირველი გამოსვლა იყო. გუშინ ვლაპარაკობდით კიდეც, რომ რა არის ასეთი მნიშვნელოვანი თემა, რომელიც შემიძლია ვთქვა. მართალი გითხრათ, ბევრი ვერაფერი მოვიფიქრე, იმიტომ, რომ ყველა საკითხს შეეხეთ, ფაქტობრივად, ამიტომ, გადავწყვიტე, რაც მართლა მაწუხებს, ის გითხრათ, ძალიან მაწუხებს შემოსასვლელში რკინის ღობე, რომელსაც რომ უყურებ, თითქოს ისეთი განცდა გაქვს, რომ ციხეში შედიხარ. ყოველ დილას ციხეში შესვლა მე რაღაცნაირად არ მინდა. ამის გამო დავიწყე თქვენთან კომუნიკაცია, ვის მოსწონს ეს ღობე, ვის არ მოსწონს და უმრავლესობას არ მოსწონს, გარწმუნებთ... ყველაზე მარტივი გადაწყვეტილება მინდა შემოგთავაზოთ, იქნებ ის ღობე ავიღოთ კონსესუნსით,"- განაცხადა ვახტანგ მეგრელიშვილმა.
შეგახსენებთ: რკინის ღობე პარლამენტთან 2019 წლის ივნისის მოვლენების შემდეგ განთავსდა.
