მივაღწიეთ მნიშვნელოვან შედეგებს ჩვენი ქვეყნის დაცვაში მათგან, ვინც აგრესორი სახელმწიფოსთვის მუშაობდა - ვოლოდიმირ ზელენსკი

სარაკეტო იერიშები ქალაქ ხარკოვზე - დაიჭრა ერთი ადგილობრივი. 45-ჯერ დაიბომბა სუმის ოლქის 3 დასახლება. გუშინ დრონებით თავდასხმა მოხდა დნეპროპეტროვსკისა და ზაპორიჟიას ოლქებზე. უკრაინის საზენიტო თავდაცვის სისტემამ უპილოტო თვითმფრინავების ჩამოგდება შეძლო.

უკრაინის პრეზიდენტის თქმით, უსაფრთხოების სამსახურმა, სხვა უწყებებთან ერთად გამოავლინეს პირები, ვინც აგრესორი სახელმწიფოსთვის მუშაობდა.

"რამდენიმე შეხვედრა გავმართე თავდაცვის სექტორისა და ძალოვანი სტრუქტურების წარმომადგენლებთან. შეხვედრების თემა საერთოა, ეს არის უკრაინის საჯარო ინსტიტუტების გაძლიერება და ინსტიტუტების დაცვა გარე თუ შიდა მცდელობებისგან, შემცირდეს მათი ეფექტურობა. უკრაინის უსაფრთხოების სამსახურმა, გამოძიების სახელმწიფო ბიურომ და გენერალურმა პროკურატურამ მიაღწიეს მნიშვნელოვან შედეგებს ჩვენი ქვეყნის დაცვაში მათგან, ვინც აგრესორი სახელმწიფოსთვის მუშაობდა. იქნება შესაბამისი ნაბიჯები ეროვნული უშიშროებისა და თავდაცვის საბჭოს მიერ, რომელიც გააგრძელებს ჩვენი ქვეყნის თავდაცვის ხაზს.

სახელმწიფო გააგრძელებს ინსტიტუტების, მათი პროცესებისა და პროცედურების მოდერნიზებას. საჯარო სტრუქტურების მუშაობის სიცხადე გარანტირებული უნდა იყოს არა მხოლოდ იმით, რაც ხალხზეა დამოკიდებული, არამედ გამჭვირვალობისა და ანგარიშვალდებულების ფუნქციონირების შექმნით.

მინდა მადლობა გადავუხადო ჩვენი ცის დამცველებს დღევანდელი შედეგისთვის, კიდევ ერთი წარმატებისთვის ჩვენი სახელმწიფოს დაცვაში რუსეთის მიერ გამოყენებული ირანული დრონებისგან. მადლობა ყველა ჩვენს ჯარისკაცს ბოლო შედეგებისთვის, რაც უკრაინას სჭირდება დონეცკის ოლქში - ბახმუტთან, ავდიევკასთან და სხვა მიმართულებებთან მტრის თავდასხმების წინააღმდეგობისა და მოგერიების თვალსაზრისით," - განაცხადა ვოლოდიმირ ზელენსკიმ.