ესტონეთის იუსტიციის მინისტრი - საქართველო ნამდვილად იმსახურებს, გახდეს ევროპის, ევროკავშირის ნაწილი, იმედი მაქვს, უახლოეს მომავალში ასეც მოხდება, რადგან პროგრესი მართლაც გასაოცარია
დავით უსუფაშვილი - აშშ ძალიან ბევრს აკეთებს საქართველოს თავდაცვისუნარიანობის განმტკიცებისთვის, მაგრამ საუბარი, კონკრეტულად რას გვთავაზობდნენ, ცოტა არ იყოს, სპეკულაცია მგონია
ვლადიმერ პუტინმა და სეპარატისტმა ლიდერებმა ხერსონის, ზაპოროჟიეს, დონეცკისა და ლუგანსკის ოკუპირებული ტერიტორიების რუსეთის შემადგენლობაში შესვლის შესახებ „შეთანხმებებს“ ხელი მოაწერეს
ვლადიმერ პუტინი - ყველამ დაიმახსოვროს, ლუგანსკში, დონეცკში, ხერსონსა და ზაპოროჟიეში მცხოვრები ადამიანები ხდებიან ჩვენი მოქალაქეები სამუდამოდ, ჩვენს მიწას ყველა ძალით და საშუალებით დავიცავთ
დიმიტრი პესკოვი ვერ აკონკრეტებს, რა საზღვრებში აღიარა რუსეთმა უკრაინის ხერსონისა და ზაპოროჟიეს ოლქების დამოუკიდებლობა, რომელთა ანექსიას რუსეთი დღეს გეგმავს
მამუკა მდინარაძე - გიორგი ვაშაძეს ამ სიბინძურისთვის რაც ეკუთვნის, ამის თქმას ვერ ვიკადრებ, ისეთ მორალურ ფსკერზეა, ისეთ რაღაცებს კადრულობს და ლაპარაკობს, რომ დარბაზში ეშინია შემოსვლა
ირაკლი ღარიბაშვილი - რადიკალური სიტუაციის ფონზე, რაც ხდება ევროპაში, უკრაინაში, მოვახერხეთ, რომ ჩვენი მოქალაქეებისთვის არათუ მშვიდობა, უსაფრთხოება შევინარჩუნეთ, არამედ უზრუნველვყავით ორნიშნა ეკონომიკური ზრდა
პაველ ჰერჩინსკი - ევროკავშირის კარი ღიაა საქართველოსთვის, ვიმედოვნებ, ყველა დაინტერესებული მხარე, როგორც მთავრობა, ასევე ოპოზიცია ისარგებლებს ღია კარით და წინსვლას გააგრძელებენ

გივი მიქანაძე - საზოგადოება კიდევ ერთხელ დარწმუნდება, რომ ოპოზიციის ნებისმიერი წინადადება ორიენტირებული იქნება მათ ვიწრო პოლიტიკურ ინტერესებზე

09.21.2022 | 11:59

რაც არ უნდა წარმოადგინონ, წინასწარვე ვართ დარწმუნებულები, რომ ბევრი ისეთი საკითხი იქნება, რომელიც სცილდება კონკრეტული რეკომენდაციების ფარგლებს და მათ ვიწრო პარტიულ ინტერესებზე არის მორგებული, – ამის შესახებ საპარლამენტო უმრავლესობის წევრმა, გივი მიქანაძემ ოპოზიციის მიერ პარალელური სამუშაო ჯგუფების ფარგლებში მომზადებული ალტერნატიული საკანონმდებლო ინიციატივების დოკუმენტის გამოქვეყნების შესახებ დასმულ კითხვაზე განაცხადა.

მისი თქმით, მმართველ გუნდს არ აქვს მოლოდინი, რომ ოპოზიცია რამე არსებითს წარმოადგენს.

„პროცესი იმდენად დახურულად წარმართეს, ყოველგვარი გამჭირვალეობისა და ინკლუზიურობის გარეშე, კიდევ ერთხელ ხაზგასმით ვამბობ, რომ ეს პროცესი რადიკალურმა ოპოზიციამ განახორციელა სპეციალურად იმისთვის, რომ მთლიანი პროცესისთვის ზიანი მიეყენებინა, თუმცა ხედავენ რომ ეს ვერ გამოუვიდათ, ამიტომ ჩვენ რაიმე მოლოდინი, რომ რაიმე არსებითს, მნიშვნელოვანს წარმოადგენენ, ნამდვილად არ გვაქვს. ვნახეთ, რომ არაერთხელ დააანონსეს გარკვეული საკითხების წარდგენა და ვნახეთ, რომ ეს შემდგომში გადაიდო. მაგალითად, გუშინ უნდა ყოფილიყო კონკრეტული კანონპროექტები წარმოდგენილი, მაგრამ გადადეს დღეისთვის. არ ვართ დარწმუნებული, რომ დღესაც მოახერხებენ და რაღაცას წარმოადგენენ, თუმცა რაც არ უნდა წარმოადგინონ, წინასწარვე ვართ დარწმუნებულები, რომ ბევრი ისეთი საკითხი იქნება, რომელიც სცილდება კონკრეტული რეკომენდაციების ფარგლებს და მათ ვიწრო პარტიულ ინტერესებზე არის მორგებული. მაგალითისთვის გეტყვით, დარწმუნებული ვართ, არჩევნების საკითხებზე ექნებათ აქცენტები, ბარიერის დაწევაზე, რაზეც არც ვენეციის კომისიის და არც ეუთო/ოდირის რეკომენდაციებში მითითებები არ არის გაკეთებული. კიდევ ერთხელ დარწმუნდება საზოგადოება, რომ მათ მიერ ნებისმიერი წინადადება, რაც არ უნდა იყოს წარმოდგენილი, იქნება ორიენტირებული მათ ვიწრო პოლიტიკურ ინტერესებზე და არა ქვეყნისა და საზოგადოების ინტერესებზე. ამიტომ დიდ პერსპექტივას ჩვენ ამისას ვერ ხედავთ. თუმცა, რა თქმა უნდა, როდესაც წარადგენენ, გავეცნობით და ვნახავთ, თუ რა მოსაზრებები აქვთ. მმართველმა გუნდმა წარმართა ოპოზიციის ნაწილთან ერთად სამუშოები, რომლებთან ერთადაც დადო კონკრეტული შედეგები 12-პუნქტიანი გეგმის განსახორციელებლად, რომელიც პირველ რიგში ქვეყნის შემდგომი განვითარებისთვის არის მნიშვნელოვანი და რა თქმა უნდა, ამავდროულად ძალიან მნიშვნელოვანი არის ჩვენი ევროპული ინტეგრაციის შემდგომი ნაბიჯებისთვის“, – განაცხადა გივი მიქანაძემ.