აშშ-ის სახელმწიფო დეპარტამენტი - უკრაინაში ბრძოლის ველზე რთული სიტუაციაა, მაგრამ უკრაინელები პროგრესს აღწევენ
მაია მიშელაძე
ჭიათურაში მე-5 დღეა 1700 მაღაროელია გაფიცული
AFU making progress despite tough situation on battlefield - State Department
200 vessels already left Ukrainian ports via temporary corridor in Black Sea
IMO Assembly adopts resolution in support of Ukraine’s efforts in Black Sea – Zelensky
Stefanchuk, Michel hold meeting ahead of EU Council session
Ukraine starts consultations with EU on security commitments

ანრი ოხანაშვილი - თუ პრეზიდენტი სააკაშვილს შეიწყალებს, ეს იქნება ჩვენი ხალხის შეურაცხყოფა და აბუჩად აგდებ

11.25.2022 | 14:22 ნახვები: 340

თუკი პრეზიდენტი ასეთი ტიპის გადაწყვეტილებას მიიღებს, ერთი მხრივ, მოხდება კანონის უზენაესობის ფეხქვეშ გათელვა და მეორე მხრივ, ჩვენი ხალხის შეურაცხყოფა და აბუჩად აგდება, რასაც არ გამოვრიცხავ, რომ შესაბამისი პროტესტი მოჰყვეს, - ასე უპასუხა პარლამენტის იურიდიულ საკითხთა კომიტეტის თავმჯდომარემ ანრი ოხანაშვილმა სალომე ზურაბიშვილის მიერ მიხეილ სააკაშვილისა და ნიკა გვარამიას შესაძლო შეწყალების თაობაზე დასმულ კითხვას.

ოხანაშვილის შეფასებით, დასაფიქრებელია და ეჭვს აჩენს, „რას შეიძლება შეეცვალა პრეზიდენტის რიტორიკა“.

„ნებისმიერი გადაწყვეტილება, მათ შორის შეწყალების საკითხი სამართლებრივი სახელმწიფოს პრინციპის ფარგლებში უნდა ჯდებოდეს - უნდა ჰქონდეს დანიშნულება სამართლებრივი სახელმწიფოს და კანონის უზენაესობის შესაბამისად. თუკი ასეთი ტიპის გადაწყვეტილების მიღება მოხდება, ერთი მხრივ, მოხდება კანონის უზენაესობის ფეხქვეშ გათელვა. მეორე მხრივ, ეს ნიშნავს ჩვენი ხალხის შეურაცხყოფას და აბუჩად აგდებას, რასაც არ გამოვრიცხავ, რომ შესაბამისი პროტესტი მოჰყვება. ამას შეიძლება საზოგადოებრივი მღელვარება მოჰყვეს. თუ ვინმე მზად არის, ერთი მხრივ, კანონის უზენაესობა გათელოს, კითხვის ნიშნის ქვეშ დააყენოს პრეზიდენტის ინსტიტუტი - როგორც კონსტიტუციური ინსტიტუტის არსი, ქართველ ხალხს შეურაცხყოფა მიაყენოს და სტრასბურგის სასამართლოს გადაწყვეტილებები აბუჩად აიგდოს, მაშინ ამას ძლიერი საზოგადოებრივი პროტესტი ექნება. არ მგონია, ეს ჩვენი ქვეყნის ინტერესში შედიოდეს და ვინმემ გაბედოს და ასეთი გადაწყვეტილება მიიღოს“, - განუცხადა ჟურნალისტებს ანრი ოხანაშვილმა.