აშშ-ის სახელმწიფო მდივნის, მარკო რუბიოს განცხადებით, ვაშინგტონი ირანთან საკითხის დიპლომატიური გზით გადაწყვეტისთვის კვლავ მზად არის. ამის შესახებ მან ჟურნალისტებთან საუბრისას განაცხადა, იუწყება CNN.
„შეერთებული შტატები ყოველთვის ღიაა საკითხის დიპლომატიური გზით გადაწყვეტისთვის. არაერთხელ ვცადეთ ირანთან მოლაპარაკებების გზით შეთანხმების მიღწევა და ამ ძალისხმევას მომავალშიც გავაგრძელებთ. თუ ეს კარი კვლავ გაიღება, მოხარული ვიქნებით“, – განაცხადა რუბიომ.
ამასთან, სახელმწიფო მდივანმა ირანი გააკრიტიკა ჰორმუზის სრუტეში გემებზე თავდასხმებისა და საზღვაო მიმოსვლის შეფერხების გამო.
„ურთიერთგაგების მემორანდუმი ძალაში ვერ იქნება, თუ ისინი მის პირობებს არღვევენ. ისინი კვლავ გვიგზავნიან სიგნალებს, რომ საუბარი და მოლაპარაკებების გაგრძელება სურთ, თუმცა ჩვენ მათ ქმედებებს ვპასუხობთ. მათი ქმედებები კი ის არის, რომ უშვებენ რაკეტებსა და დრონებს გემების მიმართულებით, მათ შორის – დღესაც“, – აღნიშნა რუბიომ.
