უკრაინის პრეზიდენტის, ვოლოდიმირ ზელენსკის განცხადებით, უკრაინულმა ძალებმა მოსკოვის რეგიონში შორ მანძილზე მოქმედი დარტყმებით რუსული ლოგისტიკური ობიექტები და ნავთობის საცავი დააზიანეს. ამის შესახებ ზელენსკი სოციალურ პლატფორმა X-ზე წერს.
„მადლობა უპილოტო სისტემების ძალების მეომრებს, ჩვენს სადაზვერვო სამსახურებს, სარაკეტო ძალებსა და არტილერიას, ასევე სპეციალური ოპერაციების ძალებს. სამიზნეები ჩვენი საზღვრიდან 400 კილომეტრზე მეტ მანძილზე იყო. შავ ზღვაში ასევე დარტყმა განხორციელდა ჩრდილოვანი ფლოტის ორ ტანკერსა და ოთხ სატვირთო გემზე“, – წერს ზელენსკი.
მისი თქმით, უკრაინა პასუხობს რუსეთის მიერ ქალაქებსა და დასახლებებზე განხორციელებულ ყველა თავდასხმას და ომის დასრულება მხოლოდ რუსეთზე ზეწოლის გაზრდით არის შესაძლებელი.
„ჩვენ სამართლიანად ვპასუხობთ რუსეთის მხრიდან ჩვენი ქალაქებისა და თემების წინააღმდეგ განხორციელებულ ყველა დარტყმას. ეს ომი უნდა დასრულდეს და ეს შესაძლებელია მხოლოდ ამ ომის ერთადერთ მიზეზზე – რუსეთზე – ზეწოლის გაზრდით“, – აცხადებს უკრაინის პრეზიდენტი.
