Russian assault troops in Kherson region's island zone readily surrender – press officer
Zelensky believes Trump and Xi could pressure Putin into ending Ukraine war
Putin is lying again: Carney responds to claim that “sanctions are a thing of the past”
Ukrainian law enforcers, FBI expose hacking network that stole data and demanded multimillion-dollar ransoms
Witkoff, Kushner to attend Coalition of the Willing summit in Berlin
ევროკავშირი რუსეთს ქიმიური იარაღის გამოყენების შეწყვეტისკენ მოუწოდებს და დამატებითი სანქციების დაწესებას არ გამორიცხავს
ყირიმის ხიდზე მორიგი თავდასხმის შემდეგ სატრანსპორტო მოძრაობა შეჩერებულია
ვაკეში, ყიფშიძის ქუჩაზე მამაკაცის მკვლელობის ბრალდებით ერთი პირი დააკავეს – დაპირისპირებისას ბრალდებულიც დაშავდა

ევროკავშირი რუსეთს ქიმიური იარაღის გამოყენების შეწყვეტისკენ მოუწოდებს და დამატებითი სანქციების დაწესებას არ გამორიცხავს

ნახვები: 202 ევროკავშირი რუსეთს ქიმიური იარაღის გამოყენების შეწყვეტისკენ მოუწოდებს და დამატებითი სანქციების დაწესებას არ გამორიცხავს

 

ევროკავშირი რუსეთს მოუწოდებს, დაუყოვნებლივ შეწყვიტოს ქიმიური იარაღის ნებისმიერი ფორმით გამოყენება და სრულად შეასრულოს ქიმიური იარაღის აკრძალვის კონვენციით (CWC) ნაკისრი ვალდებულებები. ამის შესახებ ნათქვამია ევროკავშირის საგარეო ქმედებათა სამსახურის მიერ გავრცელებულ განცხადებაში.

განცხადების თანახმად, უკრაინის ეროვნული საგამოძიებო ანგარიშის დასკვნები მიუთითებს, რომ რუსეთის შეიარაღებული ძალები უკრაინაში, ფრონტის ხაზზე, მასობრივად და სისტემატურად იყენებენ არეულობის კონტროლისთვის განკუთვნილ ქიმიურ საშუალებებს (RCA), რომელთა საომარ მოქმედებებში გამოყენება ქიმიური იარაღის აკრძალვის კონვენციით აკრძალულია.

ევროკავშირის საგარეო ქმედებათა სამსახურში აცხადებენ, რომ ქიმიური იარაღის გამოყენება ნებისმიერ ვითარებაში საერთაშორისო სამართლის დარღვევაა და თითოეული ასეთი შემთხვევა საფუძვლიან გამოძიებასა და პასუხისმგებელი პირების გამოვლენას მოითხოვს.

„ქიმიური იარაღის გამოყენება ნებისმიერი მხარის – იქნება ეს სახელმწიფო თუ არასახელმწიფო სუბიექტი – მიერ, ნებისმიერ ადგილას, ნებისმიერ დროსა და ნებისმიერ ვითარებაში, სრულიად მიუღებელია და წარმოადგენს საერთაშორისო სამართლის დარღვევას. ასეთი გამოყენების თითოეული შემთხვევა საფუძვლიანად უნდა გამოიძიონ, დამნაშავეები კი – პასუხისგებაში მისცენ“, – აღნიშნულია განცხადებაში.

ევროკავშირი ასევე აცხადებს, რომ მზად არის, დამატებითი სანქციები დაუწესოს ქიმიური იარაღის გამოყენებაში პასუხისმგებელ პირებს. უწყება აღნიშნავს, რომ ევროკავშირმა ცოტა ხნის წინ უკვე გაახანგრძლივა შესაბამისი შემზღუდავი ზომები.

განცხადებაში ქიმიური იარაღის აკრძალვის ორგანიზაციას (OPCW) მოუწოდებენ, არსებული მტკიცებულებების საფუძველზე გამოიყენოს საკუთარი მანდატი და ხელი შეუწყოს კონვენციის დარღვევებზე პასუხისმგებელი პირების გამოვლენას.

„ჩვენი საერთო პასუხისმგებლობაა, უზრუნველვყოთ ყველა ქიმიური თავდასხმის განმახორციელებელთა იდენტიფიცირება და მათი პასუხისგებაში მიცემა. ქმედითი პასუხისმგებლობის მექანიზმის გარეშე, ქიმიური იარაღის შესახებ კონვენციას (CWC) და ქიმიური იარაღის გამოყენების საწინააღმდეგო გლობალურ ნორმას სანდოობის დაკარგვის საფრთხე ემუქრება“, – აცხადებენ ევროკავშირის საგარეო ქმედებათა სამსახურში.

ევროკავშირი დადებითად აფასებს უკრაინის შესაბამისი უწყებების მიერ ჩატარებულ გამოძიებას და აღნიშნავს, რომ გამოყენებული საგამოძიებო მეთოდოლოგიის სისწორე OPCW-მ დაადასტურა.

ევროკავშირის განცხადებით, აუცილებელია ქიმიური იარაღის გამოყენების ყველა შემთხვევის გამოძიება და პასუხისმგებელი პირების პასუხისგებაში მიცემა, რათა შენარჩუნდეს ქიმიური იარაღის აკრძალვის საერთაშორისო მექანიზმების ეფექტიანობა.

ყველას ნახვა
ყველას ნახვა
ყველას ნახვა