ევროკავშირი რუსეთს ქიმიური იარაღის გამოყენების შეწყვეტისკენ მოუწოდებს და დამატებითი სანქციების დაწესებას არ გამორიცხავს
ყირიმის ხიდზე მორიგი თავდასხმის შემდეგ სატრანსპორტო მოძრაობა შეჩერებულია
ვაკეში, ყიფშიძის ქუჩაზე მამაკაცის მკვლელობის ბრალდებით ერთი პირი დააკავეს – დაპირისპირებისას ბრალდებულიც დაშავდა
ვაკეში, ყიფშიძის ქუჩაზე 80 წლის მამაკაცი მოკლეს – შსს-ს ინფორმაციით, დანაშაული ცხელ კვალზე გახსნილია
ქობულეთში, სამსახურებრივი მდგომარეობის ძალადობით გადამეტების ფაქტზე სამ ყოფილ პოლიციელს 6 წლით თავისუფლების აღკვეთა მიესაჯა
კახა კალაძე: გამრეკელის ქუჩაზე წყალსადენის დაზიანების შედეგად დაზარალებულ ოჯახებს ზარალი სრულად აუნაზღაურდებათ
ვახო სანაია პატიმრობიდან გათავისუფლების შემდეგ: მათი გზავნილია „ყველას დაგიჭერთ“, ჩვენი გზავნილია – არ გვეშინია!
ავტომობილების ხმაურის დასაშვები ზღვარი 100 დეციბელამდე გაიზარდა – დარღვევისთვის ჯარიმა 100-დან 300 ლარამდეა

ვაკეში, ყიფშიძის ქუჩაზე მამაკაცის მკვლელობის ბრალდებით ერთი პირი დააკავეს – დაპირისპირებისას ბრალდებულიც დაშავდა

ნახვები: 232 ვაკეში, ყიფშიძის ქუჩაზე მამაკაცის მკვლელობის ბრალდებით ერთი პირი დააკავეს – დაპირისპირებისას ბრალდებულიც დაშავდა

თბილისში, ვაკის რაიონში, ნიკოლოზ ყიფშიძის ქუჩაზე მომხდარი მკვლელობის ბრალდებით ერთი პირი დააკავეს. შინაგან საქმეთა სამინისტროს ინფორმაციით, მკვლელობა საცხოვრებელი კორპუსის მიწისქვეშა ავტოსადგომზე, ურთიერთშელაპარაკების ნიადაგზე მოხდა.

უწყების ცნობით, 18 ნოემბერს ბრალდებული ნაცნობ მამაკაცს ჯერ ფიზიკურად დაუპირისპირდა, შემდეგ კი ცივი იარაღით მრავლობითი ჭრილობა მიაყენა. მიღებული დაზიანებების შედეგად მამაკაცი ადგილზე გარდაიცვალა.

შინაგან საქმეთა სამინისტროს ინფორმაციით, დაპირისპირების დროს თავად ბრალდებულიც დაშავდა.

„გამოძიებით დადგინდა, რომ ბრალდებული მიმდინარე წლის 18 ნოემბერს, თბილისში, ნიკოლოზ ყიფშიძის ქუჩაზე მდებარე ერთ-ერთი საცხოვრებელი კორპუსის მიწისქვეშა ავტოსადგომზე, ურთიერთშელაპარაკების ნიადაგზე, ნაცნობ მამაკაცს ჯერ ფიზიკურად დაუპირისპირდა, ხოლო შემდეგ ცივი იარაღის გამოყენებით მრავლობითი ჭრილობა მიაყენა. მიყენებული დაზიანებების შედეგად მამაკაცი ადგილზე გარდაიცვალა. დაპირისპირებისას დაშავდა თავად ბრალდებულიც“, – ნათქვამია სამინისტროს განცხადებაში.

სამართალდამცველებმა ოპერატიული ღონისძიებებისა და საგამოძიებო მოქმედებების შედეგად სავარაუდო დანაშაულის ჩამდენი პირი ცხელ კვალზე დააკავეს.

მანამდე გავრცელებული ინფორმაციით, მოკლული მამაკაცი 80 წლის იყო.

ამ ეტაპზე შინაგან საქმეთა სამინისტროს არ გაუვრცელებია დამატებითი ინფორმაცია ბრალდებულის ვინაობის, ასაკისა და ჯანმრთელობის მდგომარეობის შესახებ. ასევე უცნობია, კონკრეტულად რა გახდა ნაცნობ მამაკაცებს შორის დაპირისპირების მიზეზი.

გამოძიება საქართველოს სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს და 15 წლამდე თავისუფლების აღკვეთას ითვალისწინებს.

ყველას ნახვა
ყველას ნახვა
ყველას ნახვა