„როიტერი“ - აშშ-ის თავდაცვის უწყების ოფიციალური პირი აცხადებს, რომ რუსეთის არმია უკრაინასთან ომში დღიურად ასობით მსხვერპლს იღებს
22.07.2022 ნახვები: 679
შეერთებული შტატები მიიჩნევს, რომ რუსეთის არმია უკრაინასთან ომში დღიურად ასობით მსხვერპლს იღებს და ათასობით ლეიტენანტისა და კაპიტნის დაკარგვის გამო, მისი სარდლობის ჯაჭვს უჭირს. ამის შესახებ „როიტერი“ აშშ-ის თავდაცვის უწყების ოფიციალურ პირზე დაყრდნობით იტყობინება.
ოფიციალურმა პირმა, რომელმაც ანონიმურობის პირობით ისაუბრა, აღნიშნა, რომ ლეიტენანტებისა და კაპიტნების გარდა, ასევე ასობით პოლკოვნიკი და ბევრი რუსი გენერალი დაიღუპა.
აშშ-ის თავდაცვის უწყების წარმომადგენლის თქმით, ოფიციალური ვაშინგტონი ასევე მიიჩნევს, რომ უკრაინამ 100-ზე მეტი მაღალი ღირებულების რუსული სამიზნე გაანადგურა უკრაინის ტერიტორიაზე, მათ შორის სამეთაურო პუნქტები, საბრძოლო მასალის საწყობები, საჰაერო თავდაცვის ობიექტები და ა.შ.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
