„ენერგოატომი“ - ზაპოროჟიეს ატომური ელექტროსადგურის მუშაობა სრულად შეჩერებულია
11.09.2022 ნახვები: 657
უკრაინული კომპანია „ენერგოატომის“ ინფორმაციით, ზაპოროჟიეს ატომური ელექტროსადგურის მუშაობა სრულად შეჩერებულია. კომპანიის ცნობით, განხორციელდა ზაპოროჟიეს ატომური ელექტროსადგურის მე-6 ენერგობლოკის ელექტრო ქსელიდან გათიშვა და მიმდინარეობს მზადება მის გასაგრილებლად და ცივ მდგომარეობაში გადასაყვანად.
როგორც კომპანიაში აცხადებენ, ბოლო პერიოდში მე-6 ენერგობლოკი კვებავდა მხოლოდ სადგურის საჭიროებებს კრიტიკულად დაბალ სიმძლავრეზე, ვინაიდან რუსული მხარის დაბომბვების გამო დაზიანდა ყველა საკომუნიკაციო ხაზი ატომურ ელექტროსადგურსა და უკრაინის ენერგოსისტემას შორის.
„ენერგოატომში“ აღნიშნავენ, რომ ამჟამად სადგურის ფუნქციონირება ხორციელდება დიზელის გენერატორებისგან მიწოდებული ენერგიით, რის გამოც საჭიროა დიზელის საწვავის დამატებითი პარტიების მიწოდება, რათა გაგრძელდეს სადგურის უსაფრთხოდ ფუნქციონირება.
ზაპოროჟიეს ატომური ელექტროსადგური მიმდინარე წლის მარტიდან რუსების კონტროლის ქვეშაა, თუმცა მის ფუნქციონირებას უკრაინულ პერსონალი ახორციელებს. ბოლო პერიოდში სადგურის ტერიტორიის დაბომბვის გახშირების გამო, რაშიც ორივე მხარე ერთმანეთს სდებს ბრალს, ადგილზე გაერო-ს ატომური ენერგიის საერთაშორისო სააგენტო ჩავიდა და უსაფრთხოებიდან გამომდინარე, მიმდებარე ტერიტორიაზე დემილიტარიზებული ზონის შექმნა მოითხოვა.
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
