იმის გამო, რომ მეუღლეს ავტომობილი ათხოვა, ციხეში არავინ წასულა დამოუკიდებელი საქართველოს ისტორიაში, ერთადერთი ნიკა გვარამიაა, - ამის შესახებ ,,ნაციონალური მოძრაობის” ერთ-ერთმა ლიდერმა, ლევან ხაბეიშვილმა ნიკა გვარამიას სასამართლო პროცესთან დაკავშირებით საუბრისას განაცხადა.
ლევან ხაბეიშვილის შეფასებით, აღნიშნულ პროცესს სამართლებრივ დავასთან კავშირი არ აქვს და ბიძინა ივანიშვილის პოლიტიკური გადაწყვეტილებაა.
,,ცხადია, ეს არის ბიძინა ივანიშვილის პოლიტიკური გადაწყვეტილება და პირადი ბოღმა, ამ ყველაფერს სამართლებრივ დავასთან არანაირი კავშირი არ აქვს, ვიცით სადაც წყდება ამ სასამართლოს ბედი”, - აღნიშნა ლევან ხაბეიშვილმა.
თბილისის სააპელაციო სასამართლოში „მთავარი არხის“ დამფუძნებლის ნიკა გვარამიას, კახაბერ დამენიასა და ზურაბ იაშვილის ბრალდების სისხლის სამართლის საქმეზე ბოლო პროცესი მიმდინარეობს
