ხვიჩა კვარაცხელია ვერ დაესწრო „შერატონ მეტეხი პალასში“ წლის შემაჯამებელ ღონისძიებას, GFF Awards 2022-ს, სადაც ის საქართველოს 2022 წლის საუკეთესო ფეხბურთელად დაასახელეს.
ამჟამად საქართველოს ნაკრებისა და „ნაპოლის“ თავდამსხმელი იტალიაში სეზონის განახლებისთვის ემზადება და დაჯილდოებაზე დამსწრეებს ვიდეომიმართვა გაუგზავნა.
„მინდა, დიდი მადლობა გადავუხადო ყველას ამ ჯილდოსთვის. ჩემთვის ძალიან სასიხარულოა და დიდი დაფასებაა როგორც ეროვნული ნაკრების წევრებისგან, ასევე თქვენგან. სამწუხაროდ, ამჟამად გარკვეული მიზეზების გამო, თქვენთან ერთად არ ვიმყოფები, რისთვისაც ბოდიშს გიხდით. ძალიან კარგი სანაკრებო წელი გვქონდა და ახლა შევუდგებით ახალი მიზნებისთვის ბრძოლას. აქვე მინდა ვისარგებლო შემთხვევით და წინასწარ მოგილოცოთ დამდეგი შობა-ახალი წელი, ბედნიერებას, ჯანმრთელობასა და წარმატებას გისურვებთ“ – განაცხადა ხვიჩა კვარაცხელიამ.
2022 წლის რჩეულების გამოსავლენად საქართველოს ფეხბურთის ფედერაციის და ეროვნული ლიგის გამოკითხვაში ეროვნული ლიგის ათივე გუნდის მთავარი მწვრთნელი და თერთმეტი ფეხბურთელი, ფუტსალისა და ქალთა ლიგების მთავარი მწვრთნელები და კაპიტნები, ასევე საქართველოს ეროვნული ნაკრების მოთამაშეები და სპორტული მედიის წარმომადგენლები მონაწილეობდნენ.
საქართველოს საუკეთესო ფეხბურთელის ნომინაციაში, ხვიჩა კვარაცხელიას გარდა, წარდგენილნი იყვნენ გიორგი მამარდაშვილი („ვალენსია“, ესპანეთი) და გურამ კაშია („სლოვანი“, სლოვაკეთი).
საზმაუ
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
