ISFED-ის მკვლევარი ამბობს, რომ სასტიკად სცემეს, როგორც დაკავებისას, ისე იზოლატორში მიყვანამდე - ადვოკატი
01.12.2024 ნახვები: 466
დროებითი მოთავსების იზოლატორებთან რიგებია. უფლებადამცველები დაკავებულთა მოსანახულებლად მიდიან. ვინც სამმართველოს შენობას ტოვებს, ერთი და იგივეს ყვება. ერთ-ერთი დაკავებული ISFED-ის მკვლევარი შოთა ნარსიაა, მას ადმინისტრაციულ სამართალდარღვევას ედავებიან
ადვოკატის თქმით, ნარსია ამბობს, რომ სასტიკად სცემეს, როგორც დაკავებისას, ისე იზოლატორში მიყვანამდე.
გასულ ღამეს დააკავეს დაახლოებით ორი საათისთვის აქციაზე. მას აღენიშნება ფიზიკური დაზიანებები, ნაცემია, დაბეჟილობები აქვს და შინაგან ორგანოებსაც იტკიებს. დიდი ალბათობით, ხვალ ექნება სასამართლო სხდომა. როგორც დაკავებსიას, ისე იზოლატორამდე მოყვანამდე, მასზე ახორციელებდნენ ფიზიკურ და სიტყვიერ შეურაცხყოფას.
"პირველების" ინფორმაციით, მხოლოდ გუშინ ღამით აქციაზე 50-მდე მომიტინგე დააკავეს.
პროტესტის მესამე ღამეს მთელი ქვეყნის მასშტაბით ქუჩაში იმაზე მეტი ადამიანი გავიდა, ვიდრე წინა დღეებში.
სპეცრაზმმა რუსთაველის გამზირზე აქციის დაშლა 07:00 საათზე დაიწყო. საპოლიციო ძალებმა გამოიყენეს წყლის ჭავლი, ასევე, ისვრიან ე.წ. გაზის კაფსულებსაც. მიმდინარეობს დაკავებებიც. რობოკოპები ამ წუთებში რესპუბლიკის მოედნზე განთავსდნენ.
- „ოცნებამ" ევროკავშირში გაწევრიანების პროცესი შეაჩერა. გადაწყვეტილება 28 ნოემბერს ირაკლი კობახიძემ გამოაცხადა, რის შემდეგაც ქვეყნის მასშტაბით საპროტესტო გამოსვლები დაიწყო.
tvpirveli.ge
