მარკო რუბიო თანამდებობიდან წასვლის შესახებ გავრცელებულ ინფორმაციას უარყოფს – „არ ვიცი, საიდან მოდის ეს ყველაფერი“
კუშნერი: აშშ ევროპისა და რუსეთის უსაფრთხოების ახალ ჩარჩოზე მუშაობს – მომავალ კვირას აბუ-დაბიში უკრაინასთან და რუსეთთან სამმხრივი მოლაპარაკებები გაიმართება
ტრამპი პუტინის წარმომადგენელთან შეხვედრის შემდეგ: უკრაინის ომზე დიდი შეთანხმება იქნება, რომელშიც შესაძლოა მთელი ევროპაც ჩაერთოს
პიტ ჰეგსეთი იმპიჩმენტის მცდელობაზე: ეს არ გამოუვიდათ ტრამპის წინააღმდეგ და არც ჩემს შემთხვევაში გამოუვათ
საგარეჯოში ორი ძმის მკვლელობის ბრალდებით ერთი პირი დააკავეს – გადარჩენილი ძმა თავდასხმის დეტალებს იხსენებს
Bloomberg: მარკო რუბიო თანამდებობიდან წასვლას განიხილავს – სახელმწიფო დეპარტამენტი ინფორმაციას უარყოფს
სალომე ზურაბიშვილი: საქართველოსთვის უვიზო მიმოსვლის შეწყვეტა რუსეთისთვის საჩუქარი იქნება
საგარეჯოში ორი ძმა მოკლეს – არსებული ინფორმაციით, მათ ქორწილში მიმავალ გზაზე ჩაუსაფრდნენ

ეროვნულ ბანკს ციფრული ლარის გამოშვების უფლებამოსილება მიენიჭება - პარლამენტი კანონპროექტს დაჩქარებული წესით განიხილავს

ნახვები: 535 ეროვნულ ბანკს ციფრული ლარის გამოშვების უფლებამოსილება მიენიჭება - პარლამენტი კანონპროექტს დაჩქარებული წესით განიხილავს
საქართველოს ეროვნულ ბანკს ციფრული ლარის გამოშვების, ემისიისა და მიმოქცევის ორგანიზების სამართლებრივი უფლებამოსილება მიენიჭება. შესაბამის ცვლილებებს „საქართველოს ეროვნული ბანკის შესახებ“ ორგანულ კანონში პარლამენტი დაჩქარებული წესით განიხილავს.

პარლამენტში წარდგენილი კანონპროექტი ციფრული ლარის სამართლებრივი სტატუსის განსაზღვრას ითვალისწინებს. კერძოდ, ფართოვდება „ფულის ნიშნებისა“ და „ემისიის“ ცნებები, რომლებიც ფულის ნიშნების ციფრული ფორმით გამოშვებასაც მოიცავს.

საკანონმდებლო ცვლილებების მიზანია, ეროვნულ ბანკს შეექმნას სამართლებრივი საფუძველი ციფრული ლარის გამოსაშვებად საჭირო ტექნოლოგიური და ინფრასტრუქტურული შესაძლებლობების განვითარებისთვის.

როგორც პარლამენტის საფინანსო-საბიუჯეტო კომიტეტის თავმჯდომარემ პაატა კვიჟინაძემ კომიტეტის სხდომაზე განაცხადა, ციფრული ლარის პრაქტიკული დანერგვა უახლოეს პერიოდში არ იგეგმება. მისი განმარტებით, საქართველო ამ ეტაპზე ციფრული ვალუტის სრულფასოვანი ამოქმედებისგან ჯერ კიდევ შორს არის.

„ციფრული ვალუტა მსოფლიოში ძალიან სწრაფი ტემპით ვითარდება. ჩვენ მისი შემოღებისგან, როგორც ტექნოლოგიურად, ისე სხვა მიმართულებებით, შორს ვართ, მაგრამ ვიწყებთ იმას, რომ ეროვნულმა ბანკმა ამ პროცესში ტესტური მუშაობა დაიწყოს“, — განაცხადა კვიჟინაძემ.

მისი თქმით, ცვლილებები ამ ეტაპზე კომერციულ ბანკებს, მოსახლეობასა და საწარმოებს არ შეეხება. კანონპროექტი ეროვნულ ბანკს საშუალებას მისცემს, შეიძინოს საჭირო პროგრამული უზრუნველყოფა, ტექნოლოგიური სისტემები და ინფრასტრუქტურა, ასევე მოიზიდოს შესაბამისი კვალიფიკაციის სპეციალისტები.

„ეროვნულ ბანკს ეძლევა უფლება, ერთი მხრივ, პროცესი აკონტროლოს და, მეორე მხრივ, შეეძლოს პროგრამული უზრუნველყოფისა და ბლოკჩეინტექნოლოგიების შეძენა, რათა მზად იყოს და, თუ ამის საჭიროება დადგება, ციფრული ლარის გამოშვების საშუალება ჰქონდეს“, — აღნიშნა კომიტეტის თავმჯდომარემ.

კვიჟინაძემ საერთაშორისო პრაქტიკაზეც ისაუბრა და განაცხადა, რომ ცენტრალური ბანკების ციფრული ვალუტების მიმართულებით სხვადასხვა ეტაპზე მუშაობენ ჩინეთი, ინდოეთი, რუსეთი, ყაზახეთი, ყირგიზეთი, თურქეთი და უკრაინა.

მან ევროკავშირის მაგალითიც მოიყვანა და აღნიშნა, რომ ევროპაში ციფრული ვალუტის დანერგვის მიმართულებით ეტაპობრივი სამუშაოები მიმდინარეობს. მისი განცხადებით, საქართველოსთვის მნიშვნელოვანია ამ პროცესებზე დაკვირვება და შესაბამისი ტექნოლოგიური მზადყოფნის უზრუნველყოფა.

„თუ პროცესმა გაამართლა და სწორად განვითარდა ჩვენს სამეზობლოში თუ ევროკავშირში, ჩვენც აქტიურად ჩავერთვებით. ეროვნულ ბანკს ექნება საშუალება, შეიძინოს ყველა საჭირო პროგრამა და ინფრასტრუქტურული საშუალება, რომ ციფრული ლარის გამოშვება შეძლოს“, — განაცხადა კვიჟინაძემ.

ციფრული ლარი ეროვნული ვალუტის ელექტრონული ფორმა იქნება, რომლის გამოშვებაზეც პასუხისმგებელი საქართველოს ეროვნული ბანკი იქნება. ის განსხვავდება კერძო კრიპტოვალუტებისგან, რადგან ცენტრალური ბანკის მიერ გამოშვებული ფულის ფორმას წარმოადგენს.

ამრიგად, განსახილველი საკანონმდებლო ცვლილებები ციფრული ლარის დაუყოვნებლივ მიმოქცევაში გაშვებას არ გულისხმობს. მათი მიღების შემთხვევაში ეროვნულ ბანკს მიეცემა სამართლებრივი და ტექნოლოგიური მომზადების შესაძლებლობა, ხოლო ციფრული ლარის პრაქტიკული ამოქმედების ვადები ამ ეტაპზე განსაზღვრული არ არის.

ყველას ნახვა
ყველას ნახვა
ყველას ნახვა