ადვოკატი - რესტორან „ბაბილოსთან“ მიმდინარე საპროტესტო აქციაზე დაკავებულ მსახიობს, გიორგი ჩაჩანიძეს დაზიანებები აღენიშნება
13.01.2025 ნახვები: 620
რესტორან „ბაბილოსთან“ მიმდინარე საპროტესტო აქციაზე თუმანიშვილის თეატრის დაკავებულ მსახიობს, გიორგი ჩაჩანიძეს დაზიანებები აღენიშნება. ამის შესახებ „ინტერპრესნიუსს“ დაკავებულის ადვოკატმა ვერიკო გაგუამ განუცხადა.
მან ჩაჩანიძე ქალაქის მთავარ სამმართველოში უკვე მოინახულა. როგორც ადვოკატი აღნიშნავს, მისი დაცვის ქვეშ მყოფს ადმინისტრაციული დანაშაული არ ჩაუდენია.
„პოლიციის მიერ ძალის გადამეტებით მოხდა მისი დაკავება. არსებობს კადრები, ის გოგოს გამოესარჩლა, რომელსაც ათეულობით პოლიციელი ძალის გამოყენებით აკავებდა, ამ უკანონო ქმედებაში ჩარევისას მოხდა გიორგის დაკავება. დაკავებისას მოხდა მასზე ფიზიკური ძალადობა, ზედაპირული დაზიანებები აღენიშნება, ნაკაწრები აქვს ხელებზე, ყელის მიდამოშიც, ასევე თავის ტკივილიც, ყურები დაგუბებული აქვს. გუშინ სამედიცინო დახმარება გაეწია, დღეს დილითაც მივმართე საპატრულოს თანამშრომელს, რომ იქნებ ხელახლა მოახდინონ მისი დახმარება",- განაცხადა გაგუამ.
ცნობისთვის, თბილისში, რესტორან „ბაბილოსთან“ მიმდინარე საპროტესტო აქციაზე 12 იანვარს 9 პირი დააკავეს.
ყველა მათგანი ადმინისტრაციული წესით, 166-ე და 173-ე მუხლებით არის დაკავებული, რაც წვრილმან ხულიგნობასა და პოლიციის დაუმორჩილებლობას გულისხმობს.
რესტორან „ბაბილოსთან“ აქცია გუშინ, დაახლოებით 15:00 საათზე, იმ დროიდან დაიწყო, რაც რესტორანში მოსამართლეებმა დაიწყეს შეკრება.
რესტორანში კორპორაციული წვეულება მიმდინარეობდა. ადგილზე ვითარება არაერთხელ დაიძაბა. ტერიტორიაზე საპოლიციო ძალების განსაკუთრებული რაოდენობის მობილიზება გახდა საჭირო, მათ შორის ტერიტორიაზე განლაგდნენ განსაკუთრებულ დავალებათა დეპარტამენტის წარმომადგენლები. საბოლოოდ მოსამართლეებმა რესტორანი საპოლიციო კორდონის საშუალებით დატოვეს.
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
