აშშ-ის ფედერალურმა მოსამართლემ დონალდ ტრამპის ადმინისტრაციას CNN-ის, MS NOW-ისა და Politico-ს ჟურნალისტებისთვის თეთრ სახლში დაშვების აღდგენა დაავალა. ინფორმაციას Reuters ავრცელებს.
კოლუმბიის ოლქის ფედერალურმა მოსამართლემ ტიმ კელიმ სამი მედიასაშუალების სარჩელი დააკმაყოფილა და ადმინისტრაციას მათი ჟურნალისტებისთვის პრესის ბარათების დაბრუნება უბრძანა. გადაწყვეტილების აღსასრულებლად ადმინისტრაციას 14 დღე განესაზღვრა.
მოსამართლემ არ გაიზიარა ადმინისტრაციის არგუმენტი, რომლის თანახმადაც, ჟურნალისტებისთვის თეთრ სახლში შესვლის შეზღუდვა ეროვნული უსაფრთხოების ინტერესებით იყო განპირობებული.
ტრამპის ადმინისტრაციამ CNN-ის, MS NOW-ისა და Politico-ს ჟურნალისტებს თეთრ სახლში შესვლა „ყალბი ამბების გავრცელების“ მოტივით აუკრძალა. სამივე მედიასაშუალებამ გადაწყვეტილება სასამართლოში გაასაჩივრა და განაცხადა, რომ შეზღუდვა აშშ-ის კონსტიტუციის პირველი შესწორებით დაცულ მათ უფლებებს არღვევდა.
