22 მარტს, 20:00 საათზე „მეგობარი აქტის“ მხარდამჭერი მსვლელობა გაიმართება
22.03.2025 ნახვები: 292
22 მარტს, 20:00 საათზე, მარჯანიშვილის მოედნიდან პარლამენტის შენობამდე, „მეგობარი აქტის“ მხარდამჭერი მსვლელობა გაიმართება.
ორგანიზატორების განცხადებით, ამერიკის კონგრესში განიხილება ქართული დემოკრატიისა და ქართველი ხალხის მხარდამჭერი ე.წ. „მეგობარი აქტი“, რომელიც მიმართულია საქართველოში დემოკრატიის მხარდაჭერისკენ, ქართველი ხალხის ევროატლანტიკური მისწრაფების მხარდაჭერისკენ და მნიშვნელოვანია, რომ ქართულმა საზოგადოებამაც გამოხატოს მხარდაჭერა 22 მარტს გამართულ მიტინგზე.
"სახელმწიფო ინსტიტუტები მიტაცებულია ერთი ადამიანის მიერ და დიდი მნიშვნელობა აქვს საზოგადოების ერთობას, ჩვენი მხარდაჭერის ჩვენებას. ამისთვის აუცილებლად საჭიროა მეტი საქართველოს მოქალაქის შეკრება 22 მარტს და ამ აქტის მხარდაჭერა. ვიკრიბებით მარჯანიშვილის მოედანზე 20:00 საათზე!“ - აცხადებს „ატლანტიკური საბჭოს“ წარმომადგენელი და მსვლელობის ერთ ერთი ორგანიზატორი გიორგი მუჩაიძემ.
მსვლელობა დაიწყება მარჯანიშვილის მოედნიდან რუსთაველამდე, პარლამენტის შენობამდე.
