ტარიფებთან დაკავშირებით შეთანხმებებისთვის მზად ვარ, - ამის შესახებ აშშ-ის პრეზიდენტმა, დონალდ ტრამპმა განაცხადა.
აშშ-ის პრეზიდენტის, დონალდ ტრამპის განცხადებით, ტარიფებთან დაკავშირებით შეთანხმებების მიღწევის შესახებ რამდენიმე ქვეყანამ, მათ შორის, დიდმა ბრიტანეთმა უკვე მიმართა.
„შეთანხმებების მიღწევა სურთ. შესაძლებელია, თუ შეთანხმების სანაცვლოდ რაიმეს მივიღებთ. მე ამისთვის ნამდვილად მზად ვარ“, - განაცხადა დონალდ ტრამპმა.
ამასთან, კითხვაზე, მოხდება თუ არა შეთანხმებების მიღწევა 2 აპრილამდე, აშშ-ის მიერ დაწესებული ტარიფების ძალაში შესვლამდე, აშშ-ის პრეზიდენტმა უპასუხა, რომ „არა“.
„არა, ალბათ უფრო მოგვიანებით. ეს პროცესს წარმოადგენს“, - აღნიშნა აშშ-ის პრეზიდენტმა.
