გოჩა მირცხულავა: კობახიძე მემკვიდრედ ბიძინას უნდა თუ არა, ამას არა აქვს მნიშვნელობა, კობახიძეს მიაჩნ
Politico - გერმანიის ახალი მთავრობა ვიქტორ ორბანის დასჯას გეგმავს
02.04.2025 ნახვები: 305
Politico-ს მტკიცებით, უნგრეთის მთავრობის ავტორიტარული ტენდენციები ბრიუსელსა და ბერლინში ყელში ამოუვიდა. როგორც გამოცემა იტყობინება, გერმანიის ახალი კოალიციური მთავრობა აღარ აპირებს ვიქტორ ორბანის მთავრობისთვის თვალის დახუჭვას, ამიტომ საუბარი მიმდინარეობს სერიოზულ ზეწოლაზე, რომელიც მის წინააღმდეგ შეიძლება განხორციელდეს.
ბერლინში ფიქრობენ, რომ ორბანი უკვე დიდი ხანია აღარ თამაშობს საერთო ევროპული წესებით. ამ შემთხვევაში, გერმანული პოზიცია მარტივია: თუ საერთო თამაშის წესებს არ ეთანხმები, მაშინ ევროპულ დაფინანსებას ვეღარ მიიღებ.
ეს ნაბიჯი არა მხოლოდ პოლიტიკური, არამედ სიმბოლური მნიშვნელობის მატარებელიცაა. გერმანია მკაცრ მესიჯს უგზავნის არა მხოლოდ ბუდაპეშტს, არამედ სხვა ევროსკეპტიკურად განწყობილ ქვეყნებსაც, რომლებიც ვეტოს უფლებას არაკეთილსინდისიერად იყენებენ.
ამასთან, როგორც ჩანს, გერმანიას კრიტიკული დამოკიდებულება აქვს უნგრეთში დემოკრატიის, თავისუფლებისა და უფლებების შეზღუდვასთან, რის გამოც, ახალი მთავრობა ორბანის დასჯას გეგმავს, მათ შორის, სანქციებით და სხვა ზომებით.
