საფრანგეთმა უკრაინის მხარდაჭერა საერთაშორისო პარტნიორობის პრიორიტეტად აღიარა, - უკრაინული მედიის ცნობით, ამის შესახებ აღნიშნულია საფრანგეთის პრეზიდენტთან არსებული საერთაშორისო პარტნიორობის საბჭოს გადაწყვეტილებაში.
„გეოპოლიტიკური კონტექსტი, რომელიც აღინიშნება ომის დაბრუნებით ჩვენს საზღვრებთან და საერთაშორისო ურთიერთობების გამკაცრებით, ხაზს უსვამს ძლიერი საერთაშორისო პარტნიორობის მნიშვნელობას, რომელიც ასახავს ჩვენს ღირებულებებსა და ინტერესებს და ხელს უწყობს გლობალურ სტაბილურობას“, - აღნიშნულია განცხადებაში.
საფრანგეთის საერთაშორისო პარტნიორობის საბჭოში აცხადებენ, რომ მთავარი პარტნიორების გასვლის შემდეგ, საფრანგეთი, თავის ევროპელ მოკავშირეებთან ერთად, გააგრძელებს ძლიერი ხმის შენარჩუნებას საერთაშორისო ასპარეზზე.
„ჩვენი დღის წესრიგი არის სუვერენიტეტი - ჩვენი ქვეყნის და ჩვენი პარტნიორების“, - აღნიშნულია განცხადებაში.
დოკუმენტში ასევე ხაზგასმულია, რომ საფრანგეთი, განსაკუთრებულ ყურადღებას უთმობს კრიზისებითა და კონფლიქტებით დაზარალებულ ქვეყნებს, განსაკუთრებით მისი ჰუმანიტარული და აღმშენებლობითი ქმედებებით და ასევე მაკროფინანსური სტაბილიზაციის მხარდაჭერით.
„იმ უზარმაზარი მხარდაჭერის გათვალისწინებით, რომელიც მას სჭირდება და ასევე იმ პირდაპირი საფრთხის გამო, რომელიც ევროპას ემუქრება, საფრანგეთი კიდევ ერთხელ ადასტურებს, რომ უკრაინა პრიორიტეტად ითვლება“, - ნათქვამია დოკუმენტში.
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
საქართველო-ირანის ურთიერთობები და საგარეო-პოლიტიკური ტენდენციები: ფაქტები, მოვლენები და ღია წყაროები
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
გოჩა მირცხულავა - „ქართული ოცნების“ მცდელობები, მოჩვენებითად თუ საქმით დაანახონ დასავლეთს, რომ „ჩვენ
