არსებული ინფორმაციით, გამოცემა „ინდიგოს“ ჟურნალისტ, საბა სორდიას დროებით მოთავსების იზოლატორში ყოფნის ვადა გაუხანგრძლივეს. ამის შესახებ ინფორმაციას „ინდიგოს“ აღმასრულებელი დირექტორი, ნატა ძველიშვილი სოციალურ ქსელში ავრცელებს.
მისი განცხადებით, ჯერჯერობით უცნობია, როდის ჩაინიშნება სასამართლო პროცესი.
„ახლა გავიგეთ, რომ საბას იზოლატორში ყოფნის ვადა გაუგრძელეს. როდის იქნება სასამართლო, ამასაც წინასწარ არავინ ამბობს, ესეც შემთხვევით უნდა გავიგოთ”, - წერს ნატა ძველიშვილი.
ცნობისთვის, პოლიციამ გამოცემა „ინდიგო“-ს ჟურნალისტი, საბა სორდია დააკავა. როგორც „ინტერპრესნიუსს“ შსს-ს პრესსამსახურში განუცხადეს, საბა სორდია ადმინისტრაციული წესით არის დაკავებული, რაც პოლიციელის კანონიერი მოთხოვნისადმი დაუმორჩილებლობას (173-ე მუხლი) გულისხმობს.
IPN
