უკრაინის თავდაცვის მინისტრი, რუსტემ უმეროვი გერმანიისა და გაერთიანებული სამეფოს მთავრობებს უკრაინისთვის გამოცხადებული დახმარების პაკეტებისთვის მადლობას უხდის.
„მადლიერი ვარ გერმანელი ხალხისა და მთავრობის, განსაკუთრებით ჩემი კოლეგის, მინისტრ ბორის პისტორიუსის, დღევანდელი განცხადებისთვის უკრაინისთვის 2029 წლამდე დამატებით 11 მილიარდი ევროს სამხედრო მხარდაჭერის გამოყოფის შესახებ. 2025 წელს გერმანიიდან მოწოდებული მხარდაჭერა დაგვეხმარება ჩვენი ცის დაცვაში (IRIS-T სისტემები რაკეტებით, PATRIO-ის რაკეტები) და ჩვენი პოზიციების განმტკიცებაში ბრძოლის ველზე (Marder-ები, Leopard-ები, საარტილერიო სისტემები). მადლობა, გერმანია, ჩვენს გვერდით დგომისთვის. ჩვენ ერთად უზრუნველვყოფთ სამართლიან და ხანგრძლივ მშვიდობას ევროპაში“, - წერს რუსტემ უმეროვი სოციალურ პლატფორმა X-ზე.
რუსტემ უმეროვი მადლობას უხდის ბრიტანელ კოლეგას, ჯონ ჰილს გაერთიანებული სამეფოს მიერ, ნორვეგიასთან ერთად, უკრაინისთვის გამოცხადებული 450 მილიონი ფუნტის ღირებულების სამხედრო დახმარების პაკეტისთვის.
„დაფინანსება უზრუნველყოფს სატრანსპორტო საშუალებებისა და აღჭურვილობის, ასევე სარადარო სისტემების, ტანკსაწინააღმდეგო ნაღმების და ასობით ათასი დრონის მოვლა-შეკეთებას. ერთად ვმუშაობთ სამართლიანი და მდგრადი მშვიდობის უზრუნველსაყოფა“, - წერს უმეროვი
