კრემლის ინფორმაციით, 7-10 მაისს სი ძინპინი ოფიციალური ვიზიტით რუსეთში ჩავა
04.05.2025 ნახვები: 320
ჩინეთის პრეზიდენტი სი ძინპინი 7-10 მაისს ოფიციალური ვიზიტით რუსეთს ეწვევა. სი ძინპინი მოსკოვში დაგეგმილ აღლუმს დაესწრება.
ამის შესახებ კრემლის პრესსამსახურმა გაავრცელა ინფორმაცია.
Telegram-ზე გამოქვეყნებულ განცხადებაში კრემლი აღნიშნავს, რომ სი ძინპინი რუსეთის პრეზიდენტთან, ვლადიმერ პუტინთან ორი ქვეყნის სტრატეგიული პარტნიორობის განვითარებას განიხილავს და რიგ დოკუმენტებს მოაწერს ხელს.
„მოლაპარაკებების დროს განხილული იქნება ყოვლისმომცველი პარტნიორობისა და სტრატეგიული ურთიერთობების შემდგომი განვითარების ძირითადი საკითხები, ასევე საერთაშორისო და რეგიონული დღის წესრიგის აქტუალური საკითხები“, – განაცხადა კრემლმა.
